Андрэй Валер'евіч Фамін быў затрыманы 26 кастрычніка 2022 года ў межах крымінальнай справы аб актыўным удзеле ў групавых дзеяннях, якія груба парушаюць грамадскі парадак (арт. 342 Крымінальнага кодэкса).

Пра Андрэя вядома, што ён родам з Магілёва, але жыў у Мінску. Скончыў Беларускую дзяржаўную акадэмію мастацтваў. Працаваў капірайтарам.

У Мінскім гарадскім судзе 15 чэрвеня 2023 г. распачаўся суд над палітзняволеным Андрэем Фаміным. Яго абвінавачваюць паводле трох артыкулаў Крымінальнага кодэкса: ч. 3 арт. 361 (заклікі да санкцый), ч. 1 арт. 342 (удзел у дзеяннях, якія груба парушаюць грамадскі парадак), ч. 3 арт. 361-1 (стварэнне экстрэмісцкага фармавання). 

21 чэрвеня 2023 года яго асудзілі да сямі гадоў калоніі ва ўмовах узмоцненага рэжыму. Пасля затрымання Андрэя паведамлялася, што ён нібыта быў рэдактарам і аўтарам артыкулаў для сеткі самвыду "Веснікі", якую праз паўтара месяца пасля затрымання мужчыны прызналі "экстрэмісцкім фармаваннем". Таксама Андрэя абвінавацілі ва ўдзеле ў Маршы 30 жніўня 2020 года. Прысуд вынесла Анжэла Касцюкевіч. Па справе адбылося тры судовыя пасяджэнні.

Палітвязня этапавалі ў Турму № 4 з СІЗА-1 11 ліпеня 2023 г. да разгляду апеляцыйнай скаргі ў верасні 2023 ў Вярхоўным судзе.

На 8 верасня 2023 г. прызначаны разгляд апеляцыйнай скаргі ў Вярхоўным судзе. Суддзя Ігар Любавіцкі.

29 верасня МУС зрабіла традыцыйны пятнічны апдэйт "Пераліку грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці". У спіс дадалі і Андрэя Фаміна. 

Унесены ў "спіс тэрарыстаў" КДБ. Туды ўключаюць "асоб, якія маюць дачыненне да тэрарыстычнай дзейнасці".

У пачатку кастрычніка 2023 г. стала вядома, што Андрэя перавялі ў ПК-17 (Шклоў). 

У Мінску пачалі судзіць палітвязня за самвыдат "Веснікі"

У Мінскім гарадскім судзе 15 чэрвеня 2023 года распачаўся суд над палітзняволеным Андрэем Фаміным.

"Ты ўжо прачнуўся". Гісторыя Андрэя Фаміна, якога нядаўна затрымаў САХР і ГУБАЗіК

Прынцыпова не хацеў з'язджаць са сваёй краіны, піша кнігу, дома чакаюць шэсць катоў — "Вясна" паразмаўляла з блізкімі Андрэя і распавядае, што вядома пра хлопца.