Алег Ігаравіч Гаўрылаў — трэнер з Салігорску, затрыманы за распаўсюд пратэсных газет. Яму было прад'яўлена абвінавачванне ў паклёпе на Лукашэнку (арт. 367 Крымінальнага кодэксу).

Падчас следства спіс крымінальных артыкулаў, прад’яўленых Алегу, значна вырас. Экспертыза змесціва "Честной газеты", з асобнікамі якой быў затрыманы трэнер, сведчыла аб тым, што Гаўрылаў нібыта датычны да распальвання расавай, нацыянальнай, рэлігійнай альбо іншай сацыяльнай варожасці або варажнечы, здзейсненыя групай асоб (ч. 3 арт. 130), апаганьвання будынкаў і псавання маёмасці (арт. 341). Таксама фігурантаў справы абвінавацілі паводле ч. 1 арт. 361 (заклікі да мер абмежавальнага характару (санкцый), іншых дзеяннях, накіраваных на прычыненне шкоды нацыянальнай бяспецы Рэспублікі), ч. 1 арт. 361-4 (садзейнічанне экстрэмісцкай дзейнасці).

Працэс распачаўся ў Мінскім гарадскім судзе 29 жніўня 2022 г., але ў хуткім часе справу адправілі на дадатковае следства.

15 верасня 2022 г. КДБ уключыў палітвязня ў спіс асобаў, "датычных да тэрарыстычнай дзейнасці".

12 снежня 2022 года суддзя Алена Міснік прызнала Алега вінаватым і прызначыла яму 10 гадоў зняволення ў калоніі ва ўмовах строгага рэжыму.

На пачатку студзеня 2023 г. палітвязня перавялі з СІЗА-1 у баранавіцкі СІЗА-6.

У траўні 2023 г. стала вядома, што палітзняволены этапаваны ў ПК-11 у г. Ваўкавыск.

Ад 5,5 да 10 гадоў калоніі — чатырох палітзняволеных салігарчан асудзілі на вялікія тэрміны

Суддзя Алена Міснік прызначыла па "пратэсных артыкулах" мужу і жонцы Аляксандру і Таццяне Бірулям — па шэсць гадоў калоніі, трэнеру Алегу Гаўрылаву — 10 гадоў калоніі, Сяргею Пасюку — пяць гадоў і шэсць месяцаў калоніі.

Падчас следства спіс абвінавачанняў салігорскаму трэнеру Гаўрылаву значна вырас

Толькі па ч. 3 арт. 130 Крымінальнага кодэкса яму можа пагражаць пазбаўленне волі на тэрмін ад 5 да 12 гадоў.