Андрэй Дзмітрыевіч Папоў вучыўся ў Мінскім каледжы прадпрымальніцтва, атрымаў прафесію менеджара-эканаміста. Перад затрыманнем працаваў гібнікам па метале, а паралельна навучаўся кампутарнай графіцы.

Першы раз Андрэй быў паранены і затрыманы 9 жніўня на акцыі пратэсту пасля прэзідэнцкіх выбараў. Трое сутак правёў у ІЧУ г. Жодзіна, пасля чаго быў вызвалены. Ізноў Андрэя затрымалі 1 верасня ўжо па крымінальнай справе аб удзеле ў масавых беспарадках.

Яму было прад’яўленае абвінавачванне па ч. 2 арт. 293 Крымінальнага кодэкса – “Удзел у масавых беспарадках”.

Утрымліваеўся ў СІЗА-1 у Мінска, у сярэдзіне снежня перавялі ў СІЗА Жодзіна.

Суд Заводзскага раёна вынес прысуд палітвязню. Яго прызналі вінаватым па ч.2 арт.293 Крымінальнага кодэксу і прысудзілі пяць гадоў пазбаўлення волі ў калоніі ўзмоцненага рэжыму. Прысуд вынесла суддзя Анжэла Касцюкевіч.

Палітвязня Андрэя Папова асудзілі на пяць гадоў калоніі

Суд Заводзскага раёна вынес прысуд палітвязню Андрэю Папову

Суд над палітвязнем Андрэем Паповым

Адвакат лічыць, што выявіць яго дачыненне да справы немагчыма

Малюе планеты для блізкіх і верыць у перамены. Бацькі пра палітвязня Андрэя Папова

23-гадовы мінчанін Андрэй Папоў быў затрыманы два разы: у ноч з 9 на 10 жніўня і першага верасня. Пасля другога затрымання на волю ён так і не выйшаў – яму прад'явілі абвінавачванне ва ўдзеле ў масавых беспарадках (ч. 2 арт. 293 КК РБ) і змясцілі ў СІЗА-1 на Валадарскага. Бацькі Андрэя Папова распавялі "Вясне" пра хобі сына, лісты з СІЗА і пра тое, чаму яны ім ганарацца.