Зміцер Алегавіч Казлоў — блогер ютуб-канала "Шэры кот". Скончыў 4 курсы Горацкай сельскагаспадарчай акадэміі, дзе вучыўся на агранома. Блогерствам захапіўся ў 2017 годзе, калі шмат людзей выказвалі незадаволенасьць «дармаедзкім» дэкрэтам. Хацеў расказваць пра розныя тэмы, але «палітыка ўцягнула». 

Быў затрыманы 10 чэрвеня 2020 года разам з актывістамі "Еўрапейскай Беларусі". На наступны дзень ён быў асуджаны на 20 сутак арышту і, адпаведна, мусіў выйсці на волю 30 чэрвеня. Але ён застаўся за кратамі. У гэты ж дзень стала вядома, што ён стаў новым фігурантам справы па ч. 1 арт. 342 Крымінальнага кодэксу ("Арганізацыя ці ўдзел у групавых дзеяннях, якія груба парушаюць грамадскі парадак"). Блогера перавялі ў СІЗА-1 на вул. Валадарскага ў Мінску.

Зміцер актыўна ўдзельнічаў у акцыях пратэстаў супраць інтэграцыі з Расіяй зімой 2019 года. За ўдзел, стрымы і заклікі да ўдзелу стаў рэкардсменам па колькасці сутак адміністрацыйнага арышту: тады яго пакаралі 120 суткамі.

У выніку Змітру выставілі абвінавачванне паводле ч. 1 арт. 13 і ч. 2 арт. 293 (падрыхтоўка да ўдзелу ў масавых беспарадках).

25 траўня 2021 года ў Магілёўскім абласным судзе абвясцілі прысуд Змітру і яшчэ шасці палітвязням. Суддзя Ірына Ланчава прызначыла яму 5 гадоў калоніі ўзмоцненага рэжыму. Па падліках праваабаронцаў, палітвязень мусіць выйсці на волю 28 лістапада 2024 г. 

На 3 лістапада 2023 г. у Змітра быў  прызначаны разгляд апеляцыйнай скаргі ў Вярхоўным судзе. Пасяджэнне закрытае. Старшыня судовай калегіі Таццяна Васілевіч.

29 лістапада 2024 г. у судзе Бабруйскага раёна і г. Бабруйска будуць разглядаць чарговую крымінальную справу супраць Змітра. Пры гэтым 28 лістапада, за дзень да суда, у палітвязня заканчваецца тэрмін зняволення і ён мусіў выйсці на волю. Але, меркавана, з калоніі яго наўпрост перавядуць у СІЗА. Гэтым разам Змітра абвінавачваюць паводле арт. 411 Крымінальнага кодэкса (злоснае непадпарадкаванне патрабаванням адміністрацыі калоніі). Справу будзе разглядаць суддзя Павел Карцінін. 

Блогера Змітра Казлова, які праз тыдзень мусіў выйсці на волю, будуць зноў судзіць

Гэтым разам Змітра абвінавачваюць паводле арт. 411 Крымінальнага кодэкса (злоснае непадпарадкаванне патрабаванням адміністрацыі калоніі). Справу будзе разглядаць суддзя Павел Карцінін. Цяпер Змітру пагражае да двух гадоў зняволення ў калоніі строгага рэжыму.

Ад 4 да 7 гадоў калоніі. У Магілёве вынеслі пр

ысуды Севярынцу, блогеру Казлову і актывістам "Еўрапейскай Беларусі"

Сёння, 25 траўня, у Магілёўскім абласным судзе абвясцілі прысуд па крымінальнай справе супраць сямі палітвязняў.

Пачынаецца закрыты суд над Севярынцам і актывістамі «Еўрапейскай Беларусі». Што вядома

Пакуль адсутнічае магчымасць па грамадзянскім назіранні за дадзеным судовым працэсам, «Вясна» распавядае ўсё, што вядома пра абставіны гэтай гучнай справы.

 

Блогер Зміцер Казлоў (Шэры кот) — новы фігурант справы па арт. 342 КК РБ

Пра гэта ён паведаміў праваабаронцу Паўлу Левінаву ў сваім лісце.

 

 

105 сутак мала? “Шэрага ката” выклікалі ў міліцыю і там далі позву на новы суд

Блогера Змітра Казлова (“Шэры кот”), які 21 студзеня выйшаў на волю пасля 25 сутак арышту, зноў выклікалі ў міліцыю.