Станіслаў Кузміцкі

Дата нараджэння: 15 снежня 1986

Дата затрымання: 23 снежня 2021

Прад'яўленыя абвінавачванні:

ч. 1 арт. 293 Крымінальнага кодэкса — Арганізацыя масавых беспарадкаў
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
арт. 361-1 Крымінальнага кодэкса — Стварэнне экстрэмісцкага фармавання або ўдзел у ім
арт. 130 Крымінальнага кодэкса — Распальванне варожасці ці варажнечы
арт. 290-4 Крымінальнага кодэкса — Стварэнне арганізацыі для ажыццяўлення тэрарыстычнай дзейнасці або ўдзел у ёй

Вынік суда: 15 гадоў

Від пакарання: пазбаўленне волі ў калоніі ва ўмовах узмоцненага рэжыму

Дата пачатку адбыцця пакарання: 27 сакавіка 2023

Суддзя: Хаткевіч Яўген

Месца зняволення: ПК № 1

Заява аб прызнанні палітвязнем

У спісе «тэрарыстаў» (грашовыя пераводы забароненыя)

Станіслаў Валянцінавіч Кузміцкі — бізнэсовец з Мінска, валодаў фірмай па абслугоўванні сістэм відэаназірання і кантролю доступу. Жанаты, мае сястру і трох братоў.

Ён быў затрыманы напрыканцы снежня 2021 года і да суда ўтрымліваўся ў СІЗА-1. Станіслава абвінавацілі ў адміністраванні больш за 30 тэлеграм-чатаў, у прыватнасці чатаў "97". Судовы працэс доўжыўся з 15 верасня 2022 г., суддзя — Яўген Хаткевіч.

Станіслава абвінавацілі па шасці артыкулах Крымінальнага кодэкса:

ч. 1 арт. 293 — заклікі да масавых беспарадкаў;
ч. 1 арт. 290-4 — стварэнне арганізацыі для ажыццяўлення тэрарыстычнай дзейнасці альбо ўдзел у ёй;
ч. 1 арт. 361-1 — стварэнне экстрэмісцкага фармавання або ўдзел у ім;
ч. 1 арт. 342 — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;
ч. 3 арт. 361 — заклікі да мер абмежавальнага характару (санкцый), іншым дзеянняў, накіраваных на прычыненне шкоды нацыянальнай бяспецы Рэспублікі Беларусь;
ч. 3 арт. 130 — распальванне расавай, нацыянальнай, рэлігійнай альбо іншай сацыяльнай варожасці або варожасці.

Мінскі гарадскі суд 3 лістапада 2022 года пастанавіў прызнаць Станіслава Кузміцкага вінаватым і па сукупнасці пакаранняў асудзіў яго да 15 гадоў пазбаўлення волі ва ўмовах узмоцненага рэжыму. Неўзабаве палітвязня перавялі з мінскага следчага ізалятара ў віцебскі СІЗА-2.

КДБ уключыў палітвязня ў "спіс тэрарыстаў", а МУС — у "спіс экстрэмістаў".

У канцы сакавіка 2023 г. палітвязня этапавалі ў наваполацкую ПК № 1.

"Чакалі майстра па рамонце, прыйшоў КДБ". Што вядома пра Станіслава Кузміцкага, якога пакаралі 15 гадамі калоніі за адміністраванне чатаў

"Ён усё жыццё шмат працаваў, стараўся ўсім дапамагаць. Ён разумны і мэтанакіраваны". Так кажа пра свайго брата Вячаслаў Кузміцкі. Ягоны брат Станіслаў нядаўна атрымаў 15 гадоў пазбаўлення волі за тое, што адміністраваў тэлеграм-чаты. "Радыё Свабода" даведалася, хто такі Станіслаў Кузміцкі.

За адміністраванне пратэсных чатаў жыхару Мінска прысудзілі 15 гадоў калоніі ўзмоцненага рэжыму

Мінскі гарадскі суд 3 лістапада асудзіў прадпрымальніка Станіслава Кузміцкага да 15 гадоў пазбаўлення волі ва ўмовах узмоцненага рэжыму. Яго абвінавацілі ў адміністраванні больш за 30 тэлеграм-чатаў, у прыватнасці чатаў "97".