Віталь Пятровіч Максімчук быў затрыманы 18 кастрычніка 2023 года меркавана за адміністраванне чата "Салідарнасць Івацэвічы" ў 2020 годзе. Віталь — шматдзетны бацька, у яго трое дзяцей. 

Віталь утрымліваецца ў СІЗА.

На 7 сакавіка 2024 г. быў прызначаны суд над Віталём у Брэсцкім абласным судзе. Разглядаў яго справу Дзмітрый Куроўскі паводле артыкулаў Крымінальнага кодэкса: арт. 361 прым. 1 ч. 1 (стварэнне экстрэмісцкага фармавання альбо ўдзел у ім); арт. 342 ч. 1 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), арт. 361 прым. 4 ч. 1 (садзейнічанне экстрэмісцкай дзейнасці).

Суд 14 сакавіка 2024 года прызнаў Максімчука вінаватым і прысудзіў яму пазбаўленне волі тэрмінам на шэсць год ва ўмовах узмоцненага рэжыму, а таксама штрафу ў памеры 40 000 рублёў.

Бацьку траіх непаўнагадовых дзяцей асудзілі на шэсць год калоніі і вялікаму штрафу за "экстрэмізм"

У Брэсцкім абласным судзе 14 сакавіка 2024 года вынеслі прысуд 40-гадоваму палітзняволенаму Віталю Максімчуку. Яго абвінавацілі па некалькіх артыкулах Крымінальнага кодэкса: ч. 1 арт. 342 КК ("удзел у масавых акцыях пратэсту"), арт. 361-1 КК (“стварэнне экстрэмісцкага фармавання або ўдзел у ім”), арт. 361-4 КК (“садзейнічанне экстрэмісцкай дзейнасці”). Справу разглядаў суддзя Дзмітрый Куроўскі.