У першыя дні сакавіка, у раёне вёскі Воранава, Гродзенскай вобласці, быў затрыманы Віктар Залатарэўскі. Мужчына спрабаваў выехаць з Беларусі ў Літву. Пры аглядзе яго мабільнага тэлефона супрацоўнікамі міліцыі былі выяўленыя падпіскі на тэлеграм-каналы, прызнаныя ўладамі "экстрэмісцкімі".

Як атрымалася высветліць MAYDAY мужчына ў наступстве быў падвергнуты адміністрацыйнаму арышту па арт. 19.11 КаАП РБ (распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць).

10 сакавіка, у дзень вызвалення, яму былі выстаўленыя абвінавачванні паводле крымінальнай справы паводле арт. 361-1 і арт. 361-4 Крымінальнага кодэксу за нібыта рэгістрацыю ў плане "Перамога".

На дадзены момант Віктар Залатарэўскі знаходзіцца ў СІЗА г. Гродна.

Вядома, што да падзей сакавіка мужчына працаваў у Мінску ў адной з дзяржаўных арганізацый і пражываў у інтэрнаце. Пасля затрымання быў звольнены.

У Гомельскім абласным судзе 14 ліпеня 2023 г. пачаўся разгляд крымінальнай справы палітвязня суддзёй Алегам Харошкам.

Гомельскі абласны суд 26 ліпеня 2023 г. вынес прысуд Віктару Залатарэўскаму, звязаны з пазбаўленнем волі тэрмінам на два гады і шэсць месяцаў ва ўмовах агульнага рэжыму.

Месца, дзе адбывае тэрмін палітвязень пасля турмы-1, пакуль невядомае.

У Гомелі асудзілі Віктара Залатарэўскага, якога затрымалі па выездзе ў Літву

Віктар Залатарэўскі з восені 2022 г. жыў у інтэрнаце ў Мінску і працаваў у вагонным дэпо Мінскага аддзялення Беларускай чыгункі.

За "экстрэмізм" судзяць гамельчука, які спрабаваў выехаць з Беларусі ў Літву

Пры аглядзе яго мабільнага тэлефона супрацоўнікамі міліцыі былі выяўленыя падпіскі на тэлеграм-каналы, прызнаныя ўладамі "экстрэмісцкімі".