Уладзімір Мацкевіч

філосаф, метадолаг

Дата нараджэння: 14 траўня 1956

Дата затрымання: 4 жніўня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 368 Крымінальнага кодэкса — Абраза прэзідэнта Рэспублікі Беларусь
арт. 361-1 Крымінальнага кодэкса — Стварэнне экстрэмісцкага фармавання або ўдзел у ім

Вынік суда: 5 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Епіхаў Сяргей

Месца зняволення: ПК № 17

Сімвалічны/ая хросны/ая: Луіза Амтсберг, упаўнаважаная ўрада па палітыцы ў галіне правоў чалавека ў Федэральным МЗС Германіі

Уладзімір Мацкевіч

Уладзімір Уладзіміравіч Мацкевіч — беларускі філосаф і метадолаг, грамадска-палітычны дзеяч, стваральнік Лятучага ўніверсітэту.

Быў затрыманы 4 жніўня 2021 года пасля вобшуку ў доме ў межах крымінальнай справы. Яму выставілі абвінавачванне ў "арганізацыі дзеянняў, якія груба парушаюць грамадскі парадак" (арт. 342 КК).

Патрабуючы змяніць меру стрымання на падпіску аб нявыездзе, завяршыць следчыя дзеянні і прызначыць дату судовага разгляду, Уладзімір абвясціў з 3 лютага 2022 г. галадоўку, з 15 лютага — "сухую галадоўку". Увечары 16 лютага Мацкевіч завяршыў галадоўку. Паводле ягоных слоў, якія перадаў адвакат, "справа зрушылася з мёртвай кропкі".

З заявы Уладзіміра аб спыненні галадоўкі стала вядома, што яму таксама інкрымінуюць "стварэнне экстрэмісцкага фармавання" (ч. 1 арт. 361-1 КК).

Справу Уладзіміра ў сярэдзіне красавіка накіравалі ў суд. Палітвязню выставілі канчатковае абвінавачванне па трох артыкулах Крымінальнага кодэкса: ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак) за "Марш Народнага Ультыматуму" 25 кастрычніка 2020 г., ч. 1 арт. 361-1 (стварэнне экстрэмісцкага фармавання) за платформу "Сход", а таксама ч. 1 арт. 368 (абраза Лукашэнкі) за відэазапіс на YouTube-канале. 

Разгляд справы Уладзіміра пачаўся 9 чэрвеня 2022 г. у Мінскім абласным судзе ў закрытым рэжыме. 23 чэрвеня яго прызналі вінаватым і асудзілі да пяці гадоў зняволення ў калоніі ўзмоцненага рэжыму. Палітзняволены філосаф вырашыў не абскарджваць прысуд.

У сярэдзіне ліпеня 2022 г. Уладзіміра перавялі з СІЗА-1 у Турму № 4, а ў кастрычніку — у шклоўскую ПК № 17.

Напрыканцы кастрычніка МУС уключыў палітвязня ў спіс "экстрэмістаў".

У лютым 2023 г. стала вядома, што палітзняволенага філосафа на тры месяцы змясцілі ў ПКТ. 13 лютага ў судзе Шклоўскага раёна адбудзецца суд па замене Уладзіміру рэжыму ўтрымання і пераводзе яго ў іншую ўстанову. Гэта значыць, што паводле рашэння суддзі Аляксандра Тараканава палітвязня могуць перавесці на турэмны рэжым.

Суровы прысуд філосафу Уладзіміру Мацкевічу

Справу разглядаў суддзя Сяргей Епіхаў, той самы, што раней асудзіў Марыю Калеснікаву і Максіма Знака.

Працягваецца закрыты суд над філосафам Уладзімірам Мацкевічам

"Уладзімір Мацкевіч трымаецца ўпэўнена. На жаль, у цяперашніх рэаліях не ўсе калегі і сябры Уладзіміра Мацкевіча маюць магчымасць з'явіцца ў беларускі "суд". І нават тыя нешматлікія галасы, якія сёння гучаць там у абарону філосафа, надзейна схаваныя ад нас за дзвярыма суда", — паведамляюць ягоныя родныя.

Пачаўся закрыты суд над філосафам і стваральнікам “Лятучага ўніверсітэту” Уладзімірам Мацкевічам

Справу разглядае суддзя Сяргей Епіхаў. Раней ён разглядаў справу Марыі Калеснікавай і Максіма Знака.

"Уладзімір сваёй галадоўкай дае сігнал". Шосты дзень галадоўкі палітзняволенага філосафа

"Уладзімір сваёй галадоўкай дае сігнал і заклік, што час змяняць сітуацыю, час перастаць іх шкадаваць і пакутаваць. Трэба ісці ў супраціў. Трэба пачынаць прабіваць сценку. У сутнасці, Уладзімір сваёй галадоўкай дае нам нагоду і нібы раскручвае ў зваротны бок сітуацыю палітычнага завісання і дэпрэсіі", – кажа былая жонка палітвязня, метадолаг і незалежная экспертка ў галіне адукацыі Святлана Мацкевіч.

Адрас для лістоў: ПК № 17. 213004, г. Шклоў, вул. 1-я Заводская, 8

Палітвязні знаходзяцца па адрасах: