Віктар Іванавіч Кулінка — digital-мастак, затрыманы за тое, што накіроўваў у Telegram-канал "Беларускі Гаюн" фотаздымкі і відэафайлы аб руху транспартных сродкаў вайсковага прызначэння.

На праўладных Telegram-каналах з’явілася "пакаяльнае відэа", дзе ён распавядае, што сфатаграфаваў калону расійскай вайсковай тэхнікі, якая накіроўвалася ў бок Гомеля, і перадаў здымак у "Беларускі Гаюн". Гэты канал 16 сакавіка 2022 г. быў прызнаны экстрэмісцкім фарміраваннем.

Віктару выставілі абвінавачванне паводле дзвюх частак арт. 361-4 (іншае садзейнічанне экстрэмісцкай дзейнасці і тыя ж дзеянні, учыненыя групай асобаў паводле папярэдняй змовы). Ён утрымліваўся ў СІЗА-3.

29 жніўня 2022 г. у Гомельскім абласным судзе пачалі разглядаць справу супраць Кулінкі. 1 верасня быў вынесены прысуд: мастака прызналі вінаватым і пакаралі трыма гадамі зняволення ў калоніі ва ўмовах узмоцненага рэжыму.

Віктара накіравалі адбываць пакаранне ў ПК № 3 у Віцьбе.

Палітзняволенага айцішніка асудзілі да трох гадоў калоніі за перадачу фота вайсковай тэхнікі ў "Беларускі Гаюн"

Справу супраць Кулінкі пачалі разглядаць 29 жніўня, а 1 верасня быў вынесены прысуд.

Што вядома пра затрыманых на Гомельшчыне за фота і відэа расейскай вайсковай тэхнікі

Digital-мастак скінуў фота расейскай вайсковай тэхнікі "Беларускаму Гаюну".