Руслана Віктаравіча Ксёнжыка 12 красавіка 2022 года прызналі вінаватым ва ўдзеле ў "групавых дзеяннях, якія груба парушаюць грамадскі парадак" за падзеі 9 і 30 жніўня 2020 года і паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) асудзілі да трох гадоў абмежавання волі з накіраваннем у ПУАТ — "хіміі". Справу разглядзела суддзя Лідзія Целіца.

Намеснік пракурора Яўген Серакоў заявіў пазоў у інтарэсах "Мінсктранса" — 7 580, 22 руб., які разглядаўся ў межах грамадзянскай судовай вытворчасці, бо "закранае інтарэсы трэціх асобаў", якія ўдзельнічалі ў мерапрыемстве разам з Ксёнжыкам.

Руслана вызвалілі ў зале суда да накіравання ў месца адбывання пакарання. Ён знаходзіўся пад вартай з 21 снежня 2021 года.

22 ліпеня 2022 г. мужчына пачаў адбываць пакаранне ў ПУАТ № 7.

Да трох гадоў "хіміі" асудзілі мужчыну за ўдзел у дзвюх пратэсных акцыях у 2020 годзе

12 красавіка 2022 года ў судзе Маскоўскага раёна Мінска вынесены вырак 34-гадоваму Руслану Ксёнжыку. Яго прызналі вінаватым паводле арт. 342 Крымінальнага кодэкса і асудзілі да трох гадоў абмежавання волі з накіраваннем у ПУАТ — "хіміі". Яго вызвалілі ў залі суда. Мужчына знаходзіўся пад вартай з 21 снежня 2021 года.