Уладзімір Аляксандравіч Калач — музыкант, фронтмэн гурта Irdorath.

Быў затрыманы ўвечары 2 жніўня 2021 года на лецішчы пад Мінскам падчас святкавання Дня народзінаў жонкі, вакалісткі гурта Надзеі Калач разам з іншымі музыкамі і гасцямі свята. Частку людзей цягам наступных двух дзён асудзілі па адміністрацыйных справах аб непадпарадкаванні міліцыі, супраць Уладзіміра, а таксама Надзеі Калач, Пятра і Юліі Марчанкаў і Антона Шніпа была распачатая крымінальная справа па арт. 342 Крымінальнага кодэксу (Арганізацыя альбо актыўны ўдзел у групавых дзеяннях, якія груба парушаюць грамадскі парадак).

Уладзімір Калач быў змешчаны ў ізалятар часовага ўтрымання ў статусе падазраванага.

Суд Савецкага раёна Мінска 9 снежня 2021 г. пачаў разгляд крымінальнай справы палітвязняў, удзельнікаў музычнага фэнтэзі-фолк гурта Irdorath Уладзіміра і Надзеі Калачоў, якіх абвінавачваюць у арганізацыі і падрыхтоўцы дзеянняў, якія груба парушаюць грамадскі парадак (ч.1 арт. 342 КК) і навучанні ці іншай падрыхтоўцы асоб для ўдзелу такіх дзеяннях, а роўна фінансаванні ці іншым матэрыяльным забеспячэнні такой дзейнасці (ч.2 арт. 342 КК). Апошні пункт у выніку быў зняты памочнікам пракурора падчас судовага следства праз недастатковасць падставаў.

14 снежня 2021 г. быў вынесены прысуд па крымінальнай справе ўдзельнікаў музычнага фэнтэзі-фолк гурта Irdorath Уладзіміра і Надзеі Калачоў: па два гады пазбаўлення волі ў калоніі агульнага рэжыму.

У пачатку лютага 2022 г. стала вядома аб пераводзе Уладзіміра з СІЗА-1 у СІЗА-2.

25 сакавіка 2022 г. Уладзіміра этапавалі ў ПК № 3 (Віцьба).

МУС 4 лістапада 2022 г. уключыла палітвязня ў "Пералік асобаў, датычных да экстрэмісцкай дзейнасці".

Муж і жонка выйшлі з калоній 21 красавіка 2023 г., цалкам адбыўшы тэрміны.

Удзельнікам гурта Irdorath Уладзіміру і Надзеі Калачам — па два гады пазбаўлення волі

У судзе Савецкага раёна Мінска 14 снежня вынесены прысуд па крымінальнай справе палітвязняў, удзельнікаў музычнага фэнтэзі-фолк гурта Irdorath Уладзіміра і Надзеі Калачоў, якіх абвінавацілі ў арганізацыі і падрыхтоўцы дзеянняў, якія груба парушаюць грамадскі парадак (ч.1 арт. 342 КК).

У Мінску пачаўся суд над салістамі фолк-гурта Irdorath Уладзімірам і Надзеяй Калачамі

Суд Савецкага раёна Мінска 9 снежня пачаў разгляд крымінальнай справы палітвязняў, удзельнікаў музычнага фэнтэзі-фолк гурта Irdorath Уладзіміра і Надзеі Калачоў, якіх абвінавачваюць у арганізацыі і падрыхтоўцы дзеянняў, якія груба парушаюць грамадскі парадак (ч.1 арт. 342 КК) і навучанні ці іншай падрыхтоўцы асоб для ўдзелу такіх дзеяннях, а роўна фінансаванні ці іншым матэрыяльным забеспячэнні такой дзейнасці (ч.2 арт. 342 КК).

Пераслед гурта Irdorath і іх сяброў: 12 чалавек арыштаваныя па крымінальных і адміністрацыйных справах, чатыры — аштрафаваныя

2 жніўня на лецішчы пад Мінскам затрымалі 16 чалавек, сярод якіх былі ўдзельнікі беларускага музычнага фэнтэзі-фолк гурта IRDORATH. Затрыманне адбылося на святкаванні Дня народзінаў вакалісткі гурта Надзеі Калач. Прэс-служба МУС паведаміла, што супраць шасці затрыманых распачалі крымінальныя справа за ўдзел у жнівеньскіх маршах, на дзесяцярых склалі адміністрацыйныя пратаколы аб непадпарадкаванні. Кампанію затрымлівалі супрацоўнікі ГУБАЗіКа і САХРа з дронам і стралянінай. "Вясна" распавядае, што вядома па гэтай справе і пра лёс затрыманых.