Пётр Пятровіч Марчанка — музыка, грае на струнных інструментах, былы гітарыст гурта Irdorath.

Быў затрыманы ўвечары 2 жніўня 2021 года на лецішчы пад Мінскам падчас святкавання Дня народзінаў вакалісткі гурта Irdorath Надзеі Калач разам з іншымі музыкамі. Частку людзей цягам наступных двух дзён асудзілі па адміністрацыйных справах аб непадпарадкаванні міліцыі, супраць Пятра, а таксама Надзеі і Уладзіміра Калачоў, Юліі Марчанка і Антона Шніпа была распачатая крымінальная справа па арт. 342 Крымінальнага кодэксу (Арганізацыя альбо актыўны ўдзел у групавых дзеяннях, якія груба парушаюць грамадскі парадак). Пётр Марчанка быў змешчаны ў ізалятар часовага ўтрымання.

28 снежня 2021 быў вынесены прысуд Пятру: 1 год і 6 месяцаў зняволення ў калоніі агульнага рэжыму.

На пачатку лютага 2022 быў пераведзены з СІЗА-1 у віцебскі СІЗА-2. 7 красавіка Пётр быў этапаваны ў ПК № 3 (Віцьба).

Пётр цалкам адбыў пакаранне і 11 кастрычніка 2022 г. выйшаў на волю.

Былы палітвязень Пятро Марчанка: "Медыцына ў зняволенні — гэта справа заўсёды безнадзейная"

Былы палітзняволены і музыка Пятро Марчанка ўзгадаў, як у СІЗА захварэла адразу ўся камера, але лекара ім так і не выклікалі.

Па паўтара года калоніі прысудзілі палітзняволеным музыкам гурта Irdorath

Музыкаў прызналі вінаватымі паводле ч.1 і 2 арт. 342 КК (арганізацыя дзеянняў, якія груба парушаюць грамадскі парадак, а таксама навучанне ці іншая падрыхтоўка асобаў для ўдзелу ў такіх дзеяннях.

Пераслед гурта Irdorath і іх сяброў: 12 чалавек арыштаваныя па крымінальных і адміністрацыйных справах, чатыры — аштрафаваныя

2 жніўня на лецішчы пад Мінскам затрымалі 16 чалавек, сярод якіх былі ўдзельнікі беларускага музычнага фэнтэзі-фолк гурта IRDORATH. Затрыманне адбылося на святкаванні Дня народзінаў вакалісткі гурта Надзеі Калач. Прэс-служба МУС паведаміла, што супраць шасці затрыманых распачалі крымінальныя справа за ўдзел у жнівеньскіх маршах, на дзесяцярых склалі адміністрацыйныя пратаколы аб непадпарадкаванні. Кампанію затрымлівалі супрацоўнікі ГУБАЗіКа і САХРа з дронам і стралянінай. "Вясна" распавядае, што вядома па гэтай справе і пра лёс затрыманых.