Таццяна Сяргееўна Кузіна — сузаснавальніца школы маладых менеджараў публічнага адміністравання Sympa, экспертка даследчага праекта bipart, магістарка паліталогіі.

Яна была затрымана ў Мінску ўначы з 28 на 29 чэрвеня 2021 года ў аэрапорце падчас праходжання пашпартнага кантролю на выезд з краіны. Вядома, што Таццяна збіралася ляцець начным рэйсам у Тбілісі. Пазней з'явілася інфармацыя, што Кузіна затрыманая з нагоды распачатай крымінальнай справы. Жанчыну адвезлі ў ІЧУ на Акрэсціна, а праз некалькі дзён перавялі ў СІЗА на Валадарскага. 

6 лютага 2023 г. справу Таццяны Кузінай і паліталагіні Валерыі Касцюговай пачала разглядаць суддзя Мінгарсуда Дзіна Кучук. У залежнасці ад ролі кожнай, іх абвінавачваюць паводле трох артыкулаў Крымінальнага кодэкса: ч. 1 арт. 357 (дапамаганне дзеянням, учыненым з мэтай захопу ўлады), ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы) і ч. 3 арт. 130 (распальванне іншай сацыяльнай варожасці).

Суддзя Дзіна Кучук 17 сакавіка 2023 г. асудзіла Таццяну Кузіну і Валерыю Касцюгову да дзесяці гадоў зняволення ў калоніі ва ўмовах агульнага рэжыму кожную.

Палітзняволеных Валерыю Касцюгову і Таццяну Кузіну асудзілі да дзесяці гадоў пазбаўлення волі кожную

Справу ў закрытым рэжыме разглядала суддзя Дзіна Кучук. Падрабязнасці невядомыя.

"Небяспеку для дзяржавы ўяўляюць інтэлект і культура". Хто такія Кузіна і Касцюгова, якіх пасля паўтара года ў СІЗА судзяць за змову супраць улады

"Медыязона" распавядае, чым займаліся Касцюгова і Кузіна, і чаму калегі звязваюць рэпрэсіі з іх прафесіяналізмам.

Пачаўся суд над палітзняволенымі Валерыяй Касцюговай і Таццянай Кузінай

Калектыў SYMPA/BIPART выпусціў зварот, у якім патрабуе спыніць пераслед калегаў-экспертак, праца якіх не можа быць падставай для выстаўленьня супраць іх крымінальных і любых іншых абвінавачанняў. Яны заявілі, што экспертная, выкладчыцкая, а таксама любая іншая прафесійная дзейнасць, якой займаліся Таццяна Кузіна і Валерыя Касцюгова, не мае і не можа мець нічога агульнага з дадзенымі крымінальнымі артыкуламі і ўказанымі ў іх злачынствах. Дзейнасць Таццяны Кузінай і Валерыі Касцюговай заўсёды была звязаная выключна з выкананнем імі сваіх прафесійных абавязкаў.