Святлана Віктараўна Бычкоўская працавала ў службе "Адно вакно" Кастрычніцкага раёна г. Мінска.

У "пакаяльным відэа" жанчына сказала, што перадавала асабістыя дадзеныя сілавікоў Telegram-каналу "Чорная кніга Беларусі".

Разгляд справы палітзняволенай распачаўся 20 красавіка 2023 г. у Мінскім гарадскім судзе. У выніку ёй паставілі ў віну:

• арт. 352 КК (Неправамернае завалоданне камп'ютарнай інфармацыяй);
• ч. 3 арт. 203-1 КК (Незаконныя дзеянні ў дачыненні да інфармацыі аб прыватным жыцці і персанальных дадзеных);
• ч. 3 арт. 426 КК (Перавышэнне ўлады ці службовых паўнамоцтваў);
• ч. 3 арт. 130 КК (Распальванне расавай, нацыянальнай, рэлігійнай або іншай сацыяльнай варожасці ці варажнечы).

25 траўня 2023 г. у Мінскім гарадскім судзе Дзіна Кучук асудзіла Святлану да пяці гадоў і шасці месяцаў калоніі ва ўмовах агульнага рэжыму. Суд праходзіў у закрытым рэжыме.

25 ліпеня 2023 г. у закрытым судовым пасяджэнні ў Вярхоўным судзе Фёдар Чубкавец разглядаў апеляцыйную скаргу палітзняволенай.

4 жніўня 2023 г. МУС унёс палітзняволеную ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Была пераведзена з СІЗА-1 у ПК-4 для адбывання пакарання.

31 жніўня 2023 г. КДБ унёс палітзняволеную ў спіс "асоб, якія маюць дачыненне да тэрарыстычнай дзейнасці".

Па "справе ЧКБ" супрацоўніцу "Адно акно" асудзілі да пяці з паловай гадоў калоніі

Суддзя Дзіна Кучук вынесла такі прысуд яшчэ 25 траўня, але праваабаронцам пра вынік суда стала вядома толькі цяпер.