Сяргей Петрушэнка

Дата нараджэння: 4 кастрычніка 1986

Дата затрымання: 10 чэрвеня 2021

Прад'яўленыя абвінавачванні:

арт. 130 Крымінальнага кодэкса — Распальванне варожасці ці варажнечы
арт. 352 Крымінальнага кодэкса — Неправамернае завалоданне камп'ютарнай інфармацыяй
арт. 203-1 Крымінальнага кодэкса — Незаконныя дзеянні ў дачыненні да інфармацыі аб прыватным жыцці і персанальных дадзеных
арт. 426 Крымінальнага кодэкса — Перавышэнне ўлады ці службовых паўнамоцтваў

Вынік суда: 6 гадоў і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Суддзя: Кучук Дзіна

Месца зняволення: ПК № 22

У спісе «тэрарыстаў» (грашовыя пераводы забароненыя)

Сяргей Фёдаравіч Петрушэнка былы начальнік аддзела РУП "Мінскае гарадское агенцтва па дзяржаўнай рэгістрацыі і зямельным кадастры". Быў затрыманы ў чэрвені 2021 года ў межах крымінальнай справы аб размяшчэнні ў тэлеграм-канале асабістых дадзеных супрацоўнікаў Смаргонскага РАУС.

Сяргею прад'яўлена абвінавачванне паводле ч. 3 арт. 130 (распальванне сацыяльнай варожасці ці варажнечы), арт. 352 (неправамернае завалоданне камп'ютарнай інфармацыяй, рэдакцыя страціла сілу 26.05.2021), арт. 203-1 ч. 1 і ч. 2 (незаконныя дзеянні ў дачыненні да інфармацыі аб прыватным жыцці і персанальных дадзеных), арт. 426 ч. 3 (перавышэнне ўлады ці службовых паўнамоцтваў) Крымінальнага кодэкса.

Мінскі гарадскі суд 3 жніўня 2022 г. пастанавіў прызначыць Петрушэнку пакаранне ў выглядзе зняволення на тэрмін 6 гадоў 6 месяцаў з пазбаўленнем права займаць пасады, звязаныя з выкананнем арганізацыйна-распарадчых абавязкаў на тэрмін 5 гадоў.

На пачатку кастрычніка стала вядома аб пераводзе Сяргея з СІЗА-1 у баранавіцкі СІЗА-6, а на пачатку лістапада — у івацэвіцкую калонію № 22.

17 лістапада 2022 г. КДБ уключыў палітвязня ў спіс "асоб, якія маюць дачыненне да тэрарызму".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

За размяшчэнне асабістых дадзеных супрацоўнікаў Смаргонскага РАУС асуджаны начальнік аддзела кадастравага агенцтва

Справу разглядала судовая калегія пад старшынством суддзі Дзіны Кучук.

Адрас для лістоў: ПК № 22. 225295, Брэсцкая вобласць, г. Івацэвічы, ст. Даманава, а/с 20

Палітвязні знаходзяцца па адрасах:

Падтрымаць «Вясну»