Сяргей Пацукевіч
Палітвязень
Дата нараджэння: 27 красавіка 1990
Дата затрымання: 17 лістапада 2020
Прад'яўленыя абвінавачванні:
- ч. 2 арт. 293 Крымінальнага кодэкса — Удзел у масавых беспарадках
Вынік суда: 6 гадоў
Від пакарання: пазбаўленне волі ў калоніі ва ўмовах узмоцненага рэжыму
Суддзя: Малашанка Вольга
Месца зняволення: ПК № 3
Справы: Пратэсты Мінск
Заява аб прызнанні палітвязнем
Сімвалічны(ая) хросны(ая): Мар’яна Бігум, дэпутатка дацкага парламента
Сяргей Мікалаевіч Пацукевіч — фігурант крымінальнай справы аб удзеле у масавых беспарадках (ч. 2 арт. 293 Крымінальнага кодэксу).
Яго абвінавацілі паводле падзей 9-10 жніўня ў Мінску, падчас якіх ён "кінуў не менш аднаго каменя ў бок транспарту МУС", знаходзіўся ў месцы, дзе будаваліся барыкады, перакрываў рух, выкрыкваў лозунгі. Сярод доказаў — тэлефонныя гутаркі, падчас якіх Сяргей Пацукевіч распавядае, што бачыў і дзе быў 9-10 жніўня, відэа з месца падзей, пратаколы агляду месца падзей.
Абвінавачаны не прызнаў сваю віну ў поўнай ступені. 21 ліпеня 2021 года суддзя Вольга Малашанка асудзіла яго на шэсць гадоў пазбаўлення волі ва ўмовах узмоцненага рэжыму.
У сярэдзіне снежня 2021 г. з'явілася інфармацыя аб пераводзе Сяргея з СТ №8 у ПК № 3.
Вядома, што палітвязень стаіць на прафуліку як "схільны да ўцёкаў" і мае чырвоную бірку.
"Кінуў не менш за аднаго каменя". Мінчука асудзілі да шасці гадоў калоніі
