Сяргею Валянцінавічу Кушнарову інкрымінаваліся публічная абраза і паклёп у дачыненні да Аляксандра Лукашэнкі (ч. 1 арт. 368, ч. 1 арт. 367), а таксама іншых прадстаўнікоў дзяржаўнай улады (арт. 188 і арт. 369 Крымінальнага кодэкса).

Суд Рагачоўскага раёна на пачатку лютага 2023 года па сукупнасці злачынстваў прызначыў Кушнарову пакаранне ў выглядзе пазбаўлення волі тэрмінам на тры гады з адбываннем у папраўчай калоніі ва ўмовах агульнага рэжыму са штрафам у памеры 100 базавых велічынь (3,7 тыс. рублёў).

Гомельскі абласны суд 15 сакавіка 2023 года разглядаў апеляцыйную скаргу Сяргея Кушнарова на прысуд суда Рагачоўскага раёна.

31 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У канцы траўня 2023 г. стала вядома, што палітвязень знаходзіцца ў ПК № 22.

Жыхару Рагачова прысудзілі тры гады калоніі за паклёп і абразу Лукашэнкі, а таксама высокапастаўленых чыноўнікаў

Суд Рагачоўскага раёна напачатку лютага вынес прысуд 57-гадоваму Сяргею Кушнарову. Яму інкрымінаваныя публічная абраза і паклёп у дачыненні да Аляксандра Лукашэнкі (ч. 1 арт. 368, ч. 1 арт. 367), а таксама іншых прадстаўнікоў дзяржаўнай улады (арт.188 і арт. 369 Крымінальнага кодэкса).