Сяргея Валер'евіча Кірыковіча абвінавачвалі адразу паводле трох крымінальных артыкулаў: ч. 2 арт. 366 "Гвалт або пагроза ў дачыненні да службовай асобы, якая выконвае службовыя абавязкі, ці іншай асобы, што выконвае грамадскі абавязак", ч. 1 арт. 368 "Абраза прэзідэнта Рэспублікі Беларусь" і ч. 1 арт. 130 "Распальванне расавай, нацыянальнай, рэлігійнай або іншай сацыяльнай варожасці ці варажнечы".

Пра абвінавачанага вядома няшмат: Сяргею Кірыковічу 35 гадоў, родам з Ліды. Да затрымання працаваў у Баранавіцкім аддзяленні "Беларускай чыгункі" і ў Лакаматыўным дэпо Ліды.

Справу Сяргея Кірыковіча разглядаў суддзя Гродзенскага абласнога суда Дзмітрый Бубенчык. 12 жніўня 2022 года, па сукупнасці злачынстваў канчаткова Сяргею Кірыковічу прысудзілі 4,5 гады пазбаўлення волі з адбываннем пакарання ў папраўчай калоніі ва ўмовах узмоцненага рэжыму.

Прысуд не набыў законную моц і можа быць абскарджаны і апратэставаны ў вызначаным заканадаўствам парадку. Утрымліваўся ў турме № 1, актуальны адрас невядомы. 

За каментары ў сацсетках пра Лукашэнку і расійскіх вайскоўцаў жыхара Ліды асудзілі да 4,5 гадоў калоніі ўзмоцненага рэжыму

Праваабаронцам "Вясны" сталі вядомыя вынікі судовага разгляду па справе Сяргея Кірыковіча, якога абвінавачвалі адразу паводле трох крымінальных артыкулаў: ч. 2 арт. 366 "Гвалт або пагроза ў дачыненні да службовай асобы, якая выконвае службовыя абавязкі, ці іншай асобы, што выконвае грамадскі абавязак", ч. 1 арт. 368 "Абраза прэзідэнта Рэспублікі Беларусь" і ч. 1 арт. 130 "Распальванне расавай, нацыянальнай, рэлігійнай або іншай сацыяльнай варожасці ці варажнечы".