Сяргей Генадзьевіч Канавалаў — супрацоўнік Віцебскай дыстанцыі сігналізацыі і сувязі УП "Віцебскае аддзяленне Беларускай чыгункі". Яго затрымалі 6 сакавіка 2022 года за "падрыхтоўку акту тэрарызму" і змясцілі ў . Згодна з дадзенымі МУС, мужчына нібыта планаваў вывядзенне з ладу сістэм, якія забяспечваюць бяспеку чыгуначнага руху. 

7 ліпеня 2022 г. КДБ унёс Сяргея Канавалава ў "спіс тэрарыстаў".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

24 жніўня 2022 г. у Віцебскім абласным судзе ў закрытым рэжыме распачаўся разгляд справы палітвязня. 16 верасня суддзя Яўген Буруноў па сукупнасці злачынстваў, шляхам частковага складання пакаранняў і далучэння дадатковага пакарання, канчаткова прызначыў Сяргею Канавалаву пазбаўленне волі на тэрмін 15 гадоў з адбываннем пакарання ў папраўчай калоніі ва ўмовах узмоцненага рэжыму, а таксама штраф у памеры 300 базавых велічынь.

Палітвязень адбываў пакаранне ў івацэвіцкай ПК № 22. У снежні 2023 года пераведзены ў ПК № 2. 

12 і 13 лістапада 2024 г. у судзе Бабруйскага раёна і г. Бабруйска адбыўся разгляд справы Сяргея паводле арт. 411 КК (злоснае непадпарадкаванне патрабаванням адміністрацыі папраўчай установы). Суддзём прызначаны Павел Карцінін.

15 гадоў калоніі ўзмоцненага рэжыму — "рэйкаваму партызану" з Віцебску

"Глячкоў з ведама начальніка дыстанцыі Селіёнава паведаміў у ГУБАЗіК і КДБ аб падрыхтоўцы работнікам дыверсіі, у выніку чаго Канавалава арыштавалі без аніякіх на тое рэальных падставаў". Паводле інфармацыі МУС, Канавалаў меў доступ да згаданага абсталявання, але як піша "Live. Сообщество железнодорожников Беларуси", Канавалаў працаваў не на перагонах, а толькі ў будынку.

З пачатку вайны затрымалі мінімум 8 "рэйкавых партызанаў": што вядома пра "рэйкавую вайну" ў Беларусі

Пасля пачатку вайны затрымалі мінімум восем беларусаў за падазрэнне ў зрыве графіку руху расейскіх цягнікоў са зброяй і датычных да фізічнага пашкоджання інфраструктуры чыгункі ў Беларусі. "Live. Сообщество железнодорожников Беларуси" 6 сакавіка пісала, што з-за дыверсій ("рэйкавай вайны") і кібер-нападаў на інфраструктуру Беларускай чыгункі, па Беларусі перасталі пераганяць арганізаваныя воінскія эшалоны з тэхнікай і боепрыпасамі расійскіх войскаў. Затрыманым інкрымінуюць падрыхтоўку да акту тэрарызму, ім пагражае да 15 гадоў пазбаўлення волі.