Павел Валер'евіч Ліпневіч да затрымання працаваў слесарам у кампаніі ААТ "Запавет", якая займаецца мантажом электратэхнічных сетак. Раней мужчына меў ІП, якое займалася рамонтам аўто.

Першы раз Паўла судзілі напачатку лютага 2022 года паводле крымінальнай справы аб абразе прадстаўніка ўлады (арт. 369 КК). Вядома, што прысуд не быў звязаны з пазбаўленнем волі. Другі раз Паўла затрымалі ў верасні 2023 года за каментары ў тэлеграме. Мужчына выдаліў акаўнт у 2022-м, але яго здолелі адшукаць. За гэты час ён паспеў пакінуць больш за 600 каментароў у розных чатах.

У выніку Паўла судзілі па арт. 368 КК (Абраза Лукашэнкі), арт. 367 КК (Паклёп на Лукашэнку), арт. 369 КК (Абраза прадстаўніка ўлады). 19 сакавіка 2024 года быў абвешчаны прысуд (суддзя Міхаіл Макарэвіч).

Утрымліваўся ў СІЗА-1.

7 чэрвеня 2024 г. адбыўся разгляд апеляцыйнай скаргі Паўла. Старшыня судовай калегіі Аляксандр Рудзенка.