Павел Чуркін
Палітвязень
Дата нараджэння: 9 чэрвеня 1987
Дата затрымання: 24 траўня 2021
Прад'яўленыя абвінавачванні:
- арт. 368 Крымінальнага кодэкса — Абраза прэзідэнта Рэспублікі Беларусь
- арт. 356 Крымінальнага кодэкса — Здрада дзяржаве
- арт. 361-3 Крымінальнага кодэкса — Удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы
Вынік суда: 1 год
Від пакарання: пазбаўленне волі ў калоніі ва ўмовах агульнага рэжыму
Дата пачатку адбыцця пакарання: 24 траўня 2021
Дата вызвалення: 24 траўня 2022
Суддзя: Зарычнюк Вольга, Клімаў Павел
Месца зняволення: Турма № 4
Іншыя пазнакі: Вайна ва Украіне
Павел Мікалаевіч Чуркін — жыхар Магілёва, асуджаны на 1 год пазбаўлення волі ў калоніі агульнага рэжыму судом Кастрычніцкага раёна Магілёва па артыкуле аб абразе прэзідэнта (арт. 368 Крымінальнага кодэксу).
Павел цалкам адбыў пакаранне і 24 траўня 2022 г. выйшаў на волю з Турмы № 4.
У пачатку красавіка 2024 г. стала вядома, што Паўла затрымалі па падазрэнні ў супрацоўніцтве з Галоўным упраўленнем разведкі Міністэрства абароны Украіны. Пра гэта распавялі на дзяржаўным тэлеканале "БЕЛАРУСЬ 4 Магілёў". Чуркін на камеру кажа, што здымаў размяшчэнне "Іскандэраў", каб потым перадаць кадры ВСУ. Такое заданне беларусу далі ў ГУР МО Украіны. У якасці пацвярджэння, што Чуркін быў завербаваны, паказалі ролік, дзе ён на камеру чытае нешта падобнае на тэкст прысягі Украіне.
14 і 15 лістапада 2024 г. пачаўся разгляд справы Паўла ў Магілёўскім абласным судзе паводле ч. 1 арт. 361-3 КК (удзел на тэрыторыі дзяржавы ва ўзброеным фармаванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу) і
ч. 1 арт. 356 КК (здрада дзяржаве, у рэдакцыі Закона ад 09.01.2019). Суддзя Павел Клімаў.
Утрымліваецца ў турме № 4.
