Павел Мікалаевіч Белавус — культурніцкі менеджар, заснавальнік і былы дырэктар пляцоўкі "Арт Сядзіба", стваральнік крамы нацыянальнай сімволікі і сувеніраў Symbal.by, адзін з арганізатараў святкавання 100-годдзя абвяшчэння БНР у Мінску ў 2018 годзе.

Быў затрыманы 15 лістапада 2021 года пасля выкліку ў міліцыю. Пасля гэтага Паўла тройчы асудзілі па адміністрацыйных справах (на 15, 13 і 7 сутак), а пасля ўжо па крымінальнай справе перавялі ў СІЗА. Белавусу выставілі абвінавачванне па арт. 342 Крымінальнага кодэксу (удзел у групавых дзеяннях, якія груба парушаюць грамадскі парадак). У чэрвені 2022 г. яго таксама абвінавацілі паводле арт. 361-1 (стварэнне экстрэмісцкага фармавання), а ў жніўні — паводле арт. 356 (здрада дзяржаве).

На волі палітвязня чакаюць жонка і двое дзяцей.

Як на пачатку студзеня 2023 г. паведаміў Следчы камітэт, Белавус "пад выглядам культурна-гістарычнага развіцця ў розных агульнадаступных сацыяльных сетках і на сайтах распаўсюджваў ідэі беларускага нацыяналізму, мэтай якіх была змена дзяржаўнай улады ў Беларусі". Нібыта, Павел "стымуляваў варожасць суайчыннікаў у адносінах да Радзімы. Сваімі злачыннымі дзеяннямі Белавус на працягу дзесяці гадоў ставіў пад пагрозу знешнюю і ўнутраную бяспеку дзяржавы".

Па выніках расследавання палітвязню выставілі абвінавачанне паводле ч. 1 арт. 356 (здрада дзяржаве), ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак), ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь), ч. 1 арт.361-1 (кіраўніцтва экстрэмісцкім фармаваннем).

Справу Белавуса пачалі разглядаць 20 лютага 2023 г. у будынку суда Маскоўскага раёна Мінска ў выязным пасяджэнні судовай калегіі Мінскага гарадскога суда. Першапачаткова працэс быў у адкрыты, але на самым пачатку пасяджэння дзяржаўны абвінаваўца заявіў хадайніцтва аб разглядзе справы ў закрытым рэжыме "з мэтай прадухілення разгалошвання інфармацыі, размешчанай у крыніцах, прызнаных экстрэмісцкімі". Суд задаволіў гэта хадайніцтва: цяпер працэс будзе праходзіць у закрытым рэжыме.

11 траўня 2023 г. у Мінскім гарадскім судзе агучылі прысуд палітзняволенаму заснавальніку крамы Symbal.bу і культурніцкаму мэнэджэру Паўлу Белавусу — 13 гадоў калоніі ва ўмовах узмоцненага рэжыму і штраф у памеры 500 базавых велічыняў — 18 500 беларускіх рублёў.

14 чэрвеня 2023 г. КДБ унёс палітвязня ў "спіс тэрарыстаў".

Адбывае пакаранне ў ПК № 17.

Заснавальніка Symbal.bу Паўла Белавуса асудзілі да 13 гадоў калоніі

Суд праходзіў у закрытым рэжыме, таму пазіцыя Паўла і іншыя падрабязнасці справы невядомыя.

"Распаўсюджваў ідэі беларускага нацыяналізму". У Мінску судзяць заснавальніка Symbal.bу Паўла Белавуса

Згодна з версіяй абвінавачвання, Павел "на працягу дзесяці гадоў вёў актыўную дзейнасць, накіраваную на змену дзяржаўнай улады неканстытуцыйным шляхам".

Паўла Белавуса вінавацяць у дзяржздрадзе. Што вядома?

У Беларусі завялі чарговую крымінальную справу аб здрадзе дзяржаве — супраць культурніцкага менеджара, стваральніка крамы нацыянальнай сімволікі Symbal.by Паўла Белавуса. Што пра гэта вядома?