Наталля Анатольеўна Давыдка была затрымана падчас "рэйду па салідарнасці" напрыканцы студзеня 2024 года. Яе вінавацяць у падтрымцы палітвязняў і іх сем'яў па ч. 1 і 2 арт. 361-4 Крымінальнага кодэксу (Садзейнічанне экстрэмісцкай дзейнасці) і паводле арт. 342 КК (Актыўны ўдзел у групавых дзеяннях, груба парушаючых грамадскі парадак).

Судовы працэс над Наталляй ішоў 16, 18, 25 верасня, 2, 4 кастрычніка 2024 года, справу разглядала суддзя Мінскага гарадскога суда Вера Галаўкова. Яна прысудзіла Наталлі пазбаўленне волі ў калоніі агульнага рэжыму. 

Родам яна з вёскі Корань Лагойскага раёна Мінскай вобласці. Пасля школы яна скончыла Мінскі радыётэхнічны інстытут (цяпер - БДУІР) і пайшла працаваць праграмісткай. Апошнім часам да затрымання Наталля працавала ў кампаніі Solberg.

Утрымлівалася ў СІЗА № 1. 13 снежня 2024 г. у Вярхоўным судзе адбыўся разгляд апеляцыйнай скаргі. Старшыня судовай калегіі Аляксандр Іванкоў.

Адбывае тэрмін у ПК № 4.