Надзея Каранкевіч
Палітзняволеная
Дата нараджэння: 13 верасня 1994
Дата затрымання: 15 лістапада 2023
Прад'яўленыя абвінавачванні:
- арт. 361-2 Крымінальнага кодэкса — Фінансаванне дзейнасці экстрэмісцкага фармавання
- арт. 361-3 Крымінальнага кодэкса — Удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы
Вынік суда: невядомы
Від пакарання: пазбаўленне волі ў калоніі ва ўмовах агульнага рэжыму
Суддзя: Рудэнка Аляксандр
Месца зняволення: ПК № 4
Групы: IT-спецыялісты
Іншыя пазнакі: Вайна ва Украіне
Надзея Аляксандраўна Каранкевіч меркавана была затрымана за данаты ў лістападзе 2023 г. паводле арт. 361-2 КК (фінансаванне экстрэмісцкай дзейнасці) і 361-3 КК (фінансаванне ці іншае матэрыяльнае забеспячэнне вярбоўкі, навучання, іншай падрыхтоўкі альбо выкарыстання грамадзян для ўдзелу на тэрыторыі замежнай дзяржавы ва ўзброеным фармаванні).
Надзея ў 2016 годзе скончыла Мінскі дзяржаўны лінгвістычны ўніверсітэт, выкладчыца замежных моваў. Больш за год адпрацавала перакладчыцай, а пасля перайшла ў IT. Была тэсціроўшчыцай.
Суд над ёй пачаўся 26 ліпеня 2024 года.
Утрымлівалася ў СІЗА № 1.
24 верасня 2024 г. у Надзеі ў Вярхоўным судзе адбыўся разгляд апеляцыйнай скаргі. Старшыня судовай калегіі Сяргей Гураў.
Восенню 2024 г. пераведзеная ў ПК № 4.
11 кастрычніка 2024 г. МУС дадала Надзею ў "спіс экстрэмістаў".
