Мікіта Ігаравіч Старажэнка — былы следчы, які звольніўся пасля выбараў на знак пратэсту. Яго затрымалі 1 лютага 2022 года ў Мінску ў гандлёвым цэнтры.

Спярша яму інкрымінавалі "распальванне варожасці групай асобаў" паводле ч. 3 арт. 130 КК. На відэа, апублікаваным у праўладным тэлеграм-канале, ён кажа, што перадаў кантакты двух супрацоўнікаў ГУБАЗіКа і намесніка начальніка СК па Мінску аднаму з "пратэсных тэлеграм-каналаў". 

4 траўня 2021 года Старажэнка, як і іншыя сілавікі, якія звольніліся ў знак пратэсту, быў пазбаўлены Лукашэнкам звання старшага лейтэнанта юстыцыі запасу. Пасля звальнення Мікіта працаваў юрыстам. У красавіку 2021-га яго арыштоўвалі на 15 сутак за "несанкцыянаванае пікетаванне".

Пасля ўтрымання ў ІЧУ на Акрэсціна быў пераведзены ў СІЗА-1.

Судовы працэс пачаўся 15 лістапада 2022 г. у Мінскім гарадскім судзе. Мікіту судзілі за "распальванне іншай сацыяльнай варожасці" паводле ч. 3 арт. 130 КК, а таксама за "незаконны збор і распаўсюд інфармацыі аб прыватным жыцці" (ч. 1 арт. 179 КК).

2 снежня 2022 года суддзя Анжэла Касцюкевіч пасля двух пасяджэнняў прызначыла такі тэрмін, які і прасіў пракурор — сем гадоў калоніі ва ўмовах узмоцненага рэжыму. Таксама палітвязня абавязалі выплаціць пяць тысяч рублёў маральнай кампенсацыі супрацоўнікам, дадзеныя якіх паводле абвінавачвання ён "зліў". 

Разгляд апеляцыйнай скаргі на прысуд адбыўся 17 сакавіка 2023 г. у Вярхоўным судзе.

Мікіту этапавалі ў віцебскую ПК № 3 у канцы сакавіка 2023 г.

КДБ уключыў палітвязня ў "спіс тэрарыстаў" 29 сакавіка 2023 г., а ў "спіс экстрэмістаў" — 7 красавіка 2023 г.

У пачатку 2024 г. пераведзены ў ПК № 17. 

Вядома, што летам 2024 г. Мікіту змясцілі ў памяшканне камернага тыпу. 

Сем гадоў калоніі за "зліў дадзеных" прызначылі экс-следчаму, які адмовіўся весці справу збітага пратэстоўца і звольніўся

Рашэнне суддзя Анжэла Касцюкевіч мусіла агучыць 21 лістапада, але замест гэтага аднавіла судовае следства (прычыны праваабаронцам невядомыя). У выніку 2 лістапада пасля двух судовых пасяджэнняў Старажэнку прызначылі такі тэрмін, які і запрашваў пракурор.

"Мікіта расказваў, што білі нагамі, дубінкамі, намотвалі анучу на галаву", — сукамернік пра затрыманага экс-следчага Старажэнку

Сукамернік Мікіты, які ўтрымліваўся з ім у карцары ІЧУ Акрэсціна, распавёў "Вясне" пра тое, што даставілі былога следчага туды моцна збітым.