Марфа (Марыя) Аляксандраўна Рабкова — каардынатарка Валанцёрскай службы "Вясны", праваабаронца. Была затрыманая разам з мужам Вадзімам Жаромскім вечарам 17 верасня 2020 года і дастаўленая ў ГУБАЗіК. У яе кватэры быў праведзены ператрус, вынятая тэхніка, асабістыя грошы і рэчы. Пазней Вадзіма адпусцілі. 

Марфе Рабковай паведамілі, што яна затрыманая ў межах крымінальнай справы па ч. 3 арт. 293 Крымінальнага кодэксу (Навучанне ці іншая падрыхтоўка асобаў для ўдзелу ў масавых беспарадках, альбо фінансаванне такой дзейнасці). Па гэтым артыкуле ёй і было прад'яўлена абвінавачванне. 19 верасня яе перавялі з ІЧУ ў СІЗА № 1 у г. Мінску.

11 лютага 2021 года Марфе прад'явілі новыя абвінавачванні па ч. 3 арт.130 (распальванне сацыяльнай варажнечы да ўлады групай невысветленых асобаў) і ч. 2 арт. 285 Крымінальнага кодэкса (удзел у злачыннай арганізацыі). 

У выніку Марфе высунулі абвінавачванне паводле наступных артыкулаў КК: ч. 1 арт. 293 (Арганізацыя масавых беспарадкаў); ч. 1 арт. 13 ч. 2 арт. 293 (Падрыхтоўка і наўмыснае стварэнне ўмоў да ўдзелу ў масавых беспарадках); ч. 3. арт. 293 (Навучанне ці іншая падрыхтоўка асоб для ўдзелу ў масавых беспарадках, а роўна фінансаванне ці іншае матэрыяльнае забеспячэнне такой дзейнасці); ч. 3 арт. 361 (Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь з выкарыстаннем сродкаў масавай інфармацыі або глабальнай камп'ютарнай сеткі Інтэрнэт); ч. 1 арт. 361-1 (Стварэнне экстрэмісцкага фарміравання); ч. 1 арт. 285 (Кіраўніцтва злачыннай арганізацыяй); ч. 3. арт. 130 (Распальванне сацыяльнай варожасці групай асоб); ч. 2. арт. 339 (Злоснае хуліганства); ч. 3 арт. 339 (Асабліва злоснае хуліганства); арт. 341 (Апаганьванне збудаванняў і псаванне маёмасці); ч. 3 арт. 218 (Наўмысныя знішчэнне або пашкоджанне чужой маёмасці, здзейсненыя арганізаванай групай); ч. 2. арт. 295-3 (незаконныя дзеянні ў дачыненні да прадметаў, дзеянне якіх заснаванае на выкарыстанні гаручых рэчываў, учыненыя групай асоб).

11 студзеня 2022 справу, матэрыялы якой складаюць 160 тамоў, перадалі ў пракуратуру. У падтрымку Марфы Рабковай і з патрабаваннем яе неадкладнага вызвалення выказаліся міжнародныя праваабарончыя арганізацыі: Amnesty International, Front Line Defenders, Абсерваторыя па абароне праваабаронцаў (партнёрства Сусветнай арганізацыі супраць катаванняў і FIDH).

25 красавіка 2022 года ў Мінскім гарадскім судзе пачаўся разгляд справы. Паводле хадайніцтва пракурора Рамана Бізюка суддзя Сяргей Хрыпач закрыў працэс. Прычына — "у матэрыялах крымінальнай справы ёсць матэрыялы экстрэмісцкай скіраванасці".

Праз 4,5 месяцы, 6 верасня 2022 г., быў вынесены прысуд Марфе: 15 гадоў калоніі ва ўмовах агульнага рэжыму і штраф у памеры 700 базавых велічыняў (22 400 беларускіх рублёў, ці больш за 8 800 даляраў).

Вядома, што Марфа ў СІЗА некалькі разоў перахварэла на COVID, гэта, у тым ліку, паўплывала і на запаленчыя працэсы. Так, дзяўчына даўно мае праблемы з лімфавузламі і шчытападобнай залозай. Акрамя гэтага, у Марфы даўно выявілі вадкасць у малым тазе, таму ёй трэба зрабіць гінекалагічную дыягностыку і прызначыць неабходнае лячэнне.

28 лютага 2023 г. у Вярхоўным судзе ў закрытым рэжыме адбыўся разгляд апеляцыйных скаргаў. Судовая калегія пад старшынствам суддзі Аляксея Рыбакова пакінула без задавальнення скаргі шасці фігурантаў, а тэрміны вясноўцаў Марфы Рабковай і Андрэя Чапюка, а таксама актывістаў анархісцкага руху Акіхіры Гаеўскага-Ханады і Аляксандра Францкевіча былі скарочаныя на тры месяцы. Такім чынам, канчатковы тэрмін зняволення Марфы — 14 гадоў і 9 месяцаў калоніі ва ўмовах агульнага рэжыму.

У сярэдзіне сакавіка 2023 г. Марфу этапавалі ў гомельскую ПК № 4.

16 сакавіка 2023 г. КДБ уключыў палітзняволеную ў "тэрарыстычны спіс".

26 траўня 2023 г. МУС унесла палітзняволеную ў "экстрэмісцкі спіс".

"Ёй ужо трэба не проста УГД зрабіць, а пункцыйную біяпсію", — сукамерніца Марфы Рабковай пра яе здароўе

Марфу два з паловай гады ўтрымлівалі ў СІЗА № 1. За гэты час у 28-гадовай дзяўчыны сур'ёзна пагоршылася здароўе і яна мае патрэбу ў добрым абследванні і лячэнні. Спадзеў застаецца на тое, што цяпер гэта адбудзецца ў калоніі. Былая сукамерніца Марфы, экскурсаводка Валерыя Чарнаморцава, распавяла "Вясне" падрабязней пра яе здароўе.

Камерны шлях Марфы Рабковай — ва ўспамінах былых палітзняволеных СІЗА-1

Ужо трэці раз палітзняволеная праваабаронца "Вясны" Марфа Рабкова сустракае свой дзень народзінаў у няволі. 6 студзеня 2023 года ёй споўнілася 28 гадоў. У СІЗА-1 яна з 17 верасня 2020 года. За гэты час Марфа прайшла некалькі камер і сустракала шмат людзей. "Вясна" сабрала ўспаміны пра Марфу ад яе былых сукамерніц.

"Была радасная, што яе не забываюць". Муж Марфы Рабковай сустрэўся з ёй у СІЗА пасля прысуду

6 верасня палітзняволеную каардынатарку Валанцёрскай службы "Вясны" Марфу Рабкову асудзілі да 15 гадоў калоніі. Праз дзень ёй дазволілі праз шкло на гадзіну сустрэцца з мужам, апошняе спатканне з якім было год таму. На сваёй старонцы ў сацсетцы "MySpace" Вадзім распавёў пра сустрэчу з Марфай Рабковай.

Міжнародная супольнасць адрэагавала на прысуд Марфы Рабковай і Андрэя Чапюка

Міжнародная супольнасць адрэагавала на прысуд праваабаронцы Марфы Рабковай, валанцёра "Вясны" Андрэя Чапюка і яшчэ васьмі палітвязняў, якіх 6 верасня агулам пакаралі 94 гадамі пазбаўлення волі.

Стомленая, незалежная, пратэстуючая. Якой запомнілася Марфа Рабкова ў СІЗА?

У ліпені палітзняволеная Іна Шырокая сустрэла Марфу Рабкову ў СІЗА-1. Цяпер Іна на волі — і распавяла "Вясне" пра тое, якой ёй запомнілася дзяўчына.

"Калі мы дапамагаем адно аднаму, выказваем салідарнасць — мы набліжаем надыход нашай Беларусі"

Праваабаронцам "Вясны" перадалі прамову, якую Марфа Рабкова рыхтавала да апошняга слова: "Я бачыла столькі добрых і светлых твараў, я бачыла столькі сапраўдных людзей, што ўпэўненая — мы абавязкова ўсё пераадолеем, па-іншаму проста быць не можа. Штораз, калі мы дапамагаем адно аднаму, клапоцімся, працягваем руку ўзаемадапамогі, выказваем салідарнасць, калі наша сэрца не глухое да чужога болю — мы набліжаем надыход нашай будучыні, нашай Беларусі. Не адчайвайцеся і верце ў сябе, у свае сілы! Праўда на нашым баку!"

Вясноўцам Марфе — 15 гадоў калоніі, Андрэю — 6: агучаны прысуды адразу дзесяці палітзняволеным

Суд у закрытым рэжыме цягнуўся чатыры з паловай месяцы — агулам прайшло 70 працэсаў па 158 тамах матэрыялаў крымінальнай справы. Пракурор Раман Бізюк запрасіў тэрміны фігурантам справы: ад пяці да 17 гадоў калоніі. Прысуды 6 верасня абвясціў суддзя Сяргей Хрыпач — ён прызначыў менавіта столькі, колькі запатрабавала дзяржабвінавачванне.

"У судзе так захацелася дадому!" Распавядаем пра справу Марфы Рабковай – 27-гадовай праваабаронцы "Вясны", якой пагражае 20 гадоў турмы

"Настоящее время" распавядае, у чым абвінавачваюць каардынатарку "Вясны" і пра тое, што яна паспела перажыць за некалькі гадоў праваабарончай працы і паўтара года крымінальнага пераследу.

На "палітычных" судах ігнаравалі заявы пра катаванні. Што вядома пра суддзю і пракурора па справе над Марфай Рабковай і яшчэ 9 палітвязнямі

"Вясна" распавядае, што вядома пра крымінальныя справы супраць палітвязняў, якія вялі суддзя Сяргей Хрыпач і пракурор Раман Бізюк.

"Ціхенька спявала "Купалінку", каб не было страшна". Марфа Рабкова — пра свой першы дзень суда

У адным са сваіх лістоў на волю палітзняволеная праваабаронца “Вясны” Марфа Рабкова распавяла пра тое, што адчувала ў першы дзень судовага пасяджэння.

Суд над вясноўцамі Марфай Рабковай, Андрэем Чапюком і яшчэ 8 палітвязнямі зрабілі закрытым

Дзяржаўнае абвінавачванне на судзе падтрымлівае пракурор Андрэй Бугук. Старшыняваў па справе суддзя Сяргей Хрыпач, народныя засядацелі — Сіўцова і Куляшова. Адразу на суд пусцілі ўсіх жадаючых — каля 45 чалавек. Перад залай суда, дзе судзілі палітвязняў, не было рамак аховы. Марфа Рабкова на судзе была ў сімвалічнай майцы "Добі вольны эльф". Прысутныя адзначылі, што яна вельмі схуднела за час зняволення, выглядае стомленай і бледнай. На суд з'явілася толькі прадстаўніца грамадзянскага пазоўніка ад "Белтэлерадыёкампаніі" Дудзінская, астатнія не з'явіліся.

Спецдакладчыкаў ААН праінфармавалі пра стан здароўя праваабаронцы Марфы Рабковай

Юрысты “Вясны” праінфармавалі Спецыяльных дакладчыкаў ААН пра пагаршэнне здароўя каардынатаркі Валанцёрскай службы Марфы Рабковай у СІЗА-1 і недастатковае аказанне ёй медыцынскай дапамогі з боку адміністрацыі ўстановы.

Абсерваторыя заклікае да тэрміновых мераў у сувязі з будучым судом і пагаршэннем стану здароўя Марфы Рабковай

Абсерваторыя па абароне праваабаронцаў, сумесны праект Сусветнай арганізацыі супраць катаванняў (OMCT) і Міжнароднай федэрацыі за правы чалавека (FIDH), атрымала новую інфармацыю пра стан палітзняволенай Мафры Рабковай і просіць тэрміновага ўмяшання ў наступную сітуацыю ў Беларусі.

Боль у жываце, запаленне лімфавузлоў і крышэнне зубоў. Здароўе Марфы Рабковай у СІЗА-1 сур'ёзна пагаршаецца

На працягу свайго зняволення ў СІЗА-1 у Марфы Рабковай неаднаразова ўзнікалі праблемы са здароўем. Яна як мінімум двойчы страчвала прытомнасць. Аналізы крыві, зробленыя яшчэ ўвосень 2021 года, былі дрэннымі: выяўлены нізкі гемаглабін і іншыя праявы запаленчых працэсаў. Акрамя таго, падчас УГД у шчытападобнай залозе дзяўчыны было выяўлена шмат ачаговых утварэнняў і кіст. Каб вызначыць характар гэтых новаўтварэнняў, неабходна правесці дадатковае абследаванне.

Урад Беларусі адказаў ААН па "справе Вясны": "Крымінальная пераслед не звязаны з іх працай па прасоўванні правоў чалавека"

На сайце Упраўлення Вярхоўнага камісара ААН з’явіўся афіцыйны адказ урада Беларусі на запыт чатырох Спецыяльных дакладчыкаў па факце вобшукаў і затрыманняў праваабаронцаў, прадстаўнікоў НДА і незалежных СМІ, здзейсненых у ліпені 2021 года.

Марфа Рабкова — "Праваабаронца года"

10 снежня 2021, у Міжнародны дзень правоў чалавека, праваабаронцы назвалі пераможцаў Нацыянальнай прэміі за дасягненні ў галіне правоў чалавека ў трох намінацыях: «Праваабаронца года», «Журналіст года» і «Кампанія/ініцыятыва года».

"Паміж Бабарыкам і Калеснікавай". Што пагражае Рабковай?

Палітзняволеная каардынатарка валанцёрскай службы ПЦ "Вясна" Марыя Рабкова паведаміла сваякам у лісце, што ёй прад'яўленыя канчатковыя абвінавачванні, па якіх яе будуць судзіць — гэта 11 артыкулаў Крымінальнага кодэкса Рэспублікі Беларусь.

У Стакгольме прайшла фотаакцыя ў падтрымку палітзняволеных сябраў “Вясны”

17 лістапада праваабаронцы з “Ostgruppen — Шведскай ініцыятывы за дэмакратыю і правы чалавека” сфатаграфаваліся з банерам і фотаплакатамі палітзняволеных “вясноўцаў” у знак салідарнасці і іх падтрымкі. 

Перажывала, што "недавучаная". Студэнцкі шлях Марфы Рабковай

У Міжнародны дзень студэнта "Вясна" распавядае пра тое, які шлях прайшла праваабаронца Марфа Рабкова, каб вучыцца.

Amnesty International: Патрабуйце пачаць лячэнне праваабаронцы Марфы Рабковай, якой у СІЗА адмаўляюць у меддапамозе

Amnesty International заклікае звярнуцца да генеральнага пракурора Беларусі з патрабаваннем аб аказанні медыцынскай дапамогі праваабаронцы Марфе Рабковай, якая больш за год утрымліваецца ў СІЗА-1.

Як там Марфа? Размова з Таццянай Гацура-Яворскай, якая сядзела ў СІЗА-1 разам з Марыяй Рабковай – у падкасце “Вясна прыйдзе”

У выпуску пачуем: як Марфа жартуе, як бавіць час, з-за каго Марфа не магла сядзець на ложку, пра што распытвала, якія цяжкасці пераносіць, якія лісты ёй пісалі з-за мяжы.

Пішыце лісты салідарнасці для праваабаронцы Марфы Рабковай

Каардынатарка Валанцёрскай службы "Вясны" Марфа Рабкова знаходзіцца ў зняволенні за сваю праваабарончую дзейнасць.

 

 

 

Amnesty International абвясціла "Марафон лістоў" у падтрымку Марфы Рабковай

Міжнародная праваабарончая арганізацыя Amnesty International абвясціла акцыю "Марафон лістоў" у падтрымку праваабаронцы "Вясны", палітычнай зняволенай і вязніцы сумлення Марфы Рабковай.

 

Праваабаронцы "Вясны" Марфе Рабковай выставілі новыя абвінавачванні. Ёй пагражае да 12 гадоў турмы

Праваабаронцы "Вясны" Марфе Рабковай 11 лютага прад'явілі новыя абвінавачванні па ч.3 арт.130 (распальванне сацыяльнай варажнечы да ўлады групай невысветленых асобаў) і ч.2 арт. 285 Крымінальнага кодэкса (удзел у злачыннай арганізацыі). ТЦяпер Марфе пагражае да 12 год пазбаўлення волі. Праваабаронца ўтрымліваецца пад вартай у мінскім СІЗА-1 ужо амаль пяць месяцаў.