Максім Знак

сябра прэзідыума Каардынацыйнай рады па ўрэгуляванні палітычнага крызісу, адвакат

Дата нараджэння: 4 верасня 1981

Дата затрымання: 9 верасня 2020

Прад'яўленыя абвінавачванні:

арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
арт. 357 Крымінальнага кодэкса — Змова з мэтай захопу ўлады неканстытуцыйным шляхам
арт. 361-1 Крымінальнага кодэкса — Стварэнне экстрэмісцкага фарміравання або ўдзел у ім

Вынік суда: 10 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Епіхаў Сяргей

Месца зняволення: ПК № 3

Сімвалічны/ая хросны/ая: Сяргей Лагадзінскі, першы намеснік старшыні камісіі па прававых пытаннях Еўрапарламента

У спісе «тэрарыстаў» (грашовыя пераводы забароненыя)

Пасля атрымання дыплома юрфака БДУ з адзнакай у 2004 годзе, Максім Аляксандравіч Знак таксама скончыў аспірантуру БДУ і абараніў навуковую дысертацыю на тэму "Дыспазітыўнасць дагаворнай адказнасці ў грамадзянскім праве", з прычыны чаго ў 2009 годзе Максіму была прысвоена навуковая ступень кандыдата юрыдычных навук. У дадатак да навуковай ступені ў галіне права, Максім таксама валодае ступенню магістра бізнес-адміністравання (Executive MBA), атрыманай у Універсітэце Козьминского (Варшава, Польшча).

Максім практыкуе ў сферы юрыдычнага кансалтынгу з 2001 года. У 2007 годзе заснаваў юрыдычную фірму "ЮрЗнак", якая пасля аб'ядналася з Borovtsov & Salei. Максім з'яўляецца арбітрам Міжнароднай палаты арбітраў пры Саюзе юрыстаў Рэспублікі Беларусь, а таксама надае значную частку свайго часу навуковай і выкладчыцкай дзейнасці, з'яўляючыся старэйшым выкладчыкам кафедры грамадзянскага права БДУ ("Грамадзянскае права. Агульная частка". "Міжнароднае прыватнае права") і аўтарам і вядучым курсу "Прававая серада бізнесу" праграмы MBA БДУ.

Максім з'яўляецца экспертам даследавання Сусветнага банка Doing Business з 2011 года, выступае ў якасці нацыянальнага кансультанта па прывядзенні нормаў беларускага заканадаўства ў адпаведнасць з базавымі пагадненнямі Сусветнай гандлёвай арганізацыі. Ён мае больш за 150 публікацый, з'яўляецца калумністам выдання "Белгазета", а таксама аўтарам "Эканамічнай газеты".

The Chambers Guide 2017 адзначае, што кліенты цэняць уменне Максіма "даступна тлумачыць сітуацыю, якая склалася і прапаноўваць варыянты для пошуку найлепшага рашэння", яго "стратэгічны розум" і "неверагодную аператыўнасць і настойлівасць". Кліенты фірмы таксама адзначаюць "творчы падыход да судовай працы і ўвага да дэталяў". Максім таксама прызнаецца адным з лідараў Беларускага юрыдычнага рынку і іншымі аўтарытэтнымі міжнароднымі выданнямі і рэйтынгамі, уключаючы Legal 500, IFLR1000 і Who's Who Legal.

Мужчына актыўна займаецца спортам, бегае на доўгія дыстанцыі, захапляецца трыятлонам. Таксама юрыст грае на гітары і выконвае аўтарскія песні. Адзін час ён выступаў на фестывалях "Бардаўская восень" і "Бардаўская вясна".

У траўні 2020 года адвакат пазнаёміўся з Віктарам Бабарыка і заняўся юрыдычным напрамкам працы ягонага штаба.

Затрыманы 9 верасня 2020 г., у кватэры Максіма Знака прайшоў ператрус, а яго самога даставілі на допыт у Следчы камітэт.

18 верасня Максіму Знаку было прад'яўленае абвінавачванне па ч. 3 арт. 361 Крымінальнага кодэкса (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь). У знак нязгоды з абвінавачваннямі адвакат абвясціў галадоўку.

21 снежня стала вядома, што па паручэнні Генпракуратуры Следчы камітэт распачаў крымінальную справу аб змове з мэтай захопу ўлады неканстытуцыйным шляхам (частка 1 артыкула 357 КК) супраць членаў Каардынацыйнай рады. Таксама Максім Знак стала фігуранткай крымінальнай справы аб стварэнні экстрэмісцкага фарміравання (артыкул 361-1 КК), узбуджанай супраць Каардынацыйнай рады.

11 лютага стала вядома, што Максіму Знаку і Марыі Калеснікавай выставілі новыя абвінавачванні: змова з мэтай захопу дзяржаўнай улады неканстытуцыйным шляхам (ч. 1 арт. 357 КК), стварэнне экстрэмісцкага фарміравання і кіраўніцтве ім (ч.1 арт. 361-1 КК).

6 верасня 2021 ў будынку Мінскага раённага суда пасля месяцу разгляду крымінальнай справы вынесеныя прысуды палітзняволеным Марыі Калеснікавай і Максіму Знаку. Суддзя Мінскага абласнога суда Сяргей Епіхаў прызнаў іх вінаватымі ў закрытым рэжыме па трох артыкулах Крымінальнага кодэкса: ч. 3 арт. 361 (заклікі да дзеянняў супраць нацбяспекі), ч. 1 арт. 357 (змова з мэтай захопу дзяржаўнай улады неканстытуцыйным шляхам), ч. 1 арт. 361-1 (стварэнне экстрэмісцкага фармавання і кіраўніцтва ім) і асудзіў да 10 (Максіма) і 11 (Марыю) гадоў пазбаўлення волі. Знаку прызначылі ўзмоцнены рэжым калоніі, Калеснікавай — агульны.

24 снежня 2021 Вярхоўны суд разгледзеў апеляцыйную скаргу і пакінуў прысуд Марыі Калеснікавай і Максіму Знаку без зменаў.

На пачатку студзеня 2022 года стала вядома, што Максім быў пераведзены з СІЗА-2 у ПК №3 (Віцьба).

У траўні 2022 г. ААН прызнала зняволенне Максіма Знака неправамерным.

24 траўня 2022 г. КДБ унёс Максіма ў спіс асобаў, "датычных да тэрарыстычнай дзейнасці".

Леанід Судаленка, Лілія Уласава, Максім Знак і Дзмітрый Лаеўскі атрымалі прэмію “За абарону правоў чалавека”

Прэмія “За абарону правоў чалавека-2021” Рады адвакатаў і юрыдычных супольнасцяў Еўропы (ССВЕ) прысуджаная беларускім юрыстам Леаніду Судаленку, Ліліі Уласавай, Максіму Знаку і Дзмітрыю Лаеўскаму, а таксама ўсім адвакатам у Афганістане, якія знаходзяцца ў небяспецы.

У Міжнародны дзень пісьменніка ў зняволенні названыя 7 лаўрэатаў прэміі імя Аляхновіча

15 лістапада – Міжнародны дзень пісьменніка ў зняволенні. Штогод нацыянальныя ПЭН-цэнтры і іх сябры па ўсім свеце адзначаюць гэты дзень, каб падвысіць інфармаванасць насельніцтва аб несправядлівым зняволенні і іншых формах агрэсіі ў дачыненні да пісьменнікаў з розных краін, узгадваючы тых, хто быў забіты, і выказваючы салідарнасць са зняволенымі.

«Што было б з Беларуссю, калі б мы не марнавалі час невінаватых на турмы?» Надзея Знак чакае мужа на волі з шампанскім

Максім Знак – самы круты палітычны вязень: ён можа бачыцца з жонкаю ледзь не штодня. Надзея – адна з ягоных адвакатаў, таму справы, побыт і стан мужа «вядзе» асабіста: «Мая галоўная роля – падтрымліваць ягоны добры настрой і бадзёры дух, а потым, зразумела, рабіць тое, што робяць адвакаты». У дзелавых касцюмах і на абцасах яна носіць перадачы ды ходзіць на сустрэчы са зняволеным мужам, а пасля едзе да сваіх кліентаў.

Адрас для лістоў: ПК № 3. 211322, Віцебская вобласць, г.п. Віцьба

Палітвязні знаходзяцца па адрасах: