Ксенія Віктараўна Суша скончыла БДУКМ, працавала галоўным бібліёграфам навукова-даследчага аддзела кнігазнаўства Нацыянальнай бібліятэкі Беларусі да лістапада 2021 года. Затым пайшла ў IT, два гады да затрымання была тэсціроўшчыцай у IDT, вялікай міжнароднай IT-кампаніі з філіяламі ў больш чым 20 краінах. У яе двое непаўналетніх дзяцей (дачка і сын).

Яе абвінавачваюць паводле ч. 1, ч.2 арт. 361-4 (садзейнічанне экстрэмісцкай дзейнасці), ч. 3 арт. 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) Крымінальнага кодэкса.

Суд пачаўся ў Мінскім гарадскім судзе другога верасня 2024 года. Суддзя па справе — Святлана Чарапанава. Яна прысудзіла Ксеніі 3 гады ў калоніі агульнага рэжыму.