Юрый Анатольевіч Гаркач былы КДБэшнік.

На тэлеканале АНТ паказалі фільм «Аперацыя КДБ “Манкурты“», у якім паведамілі пра затрыманне падпалкоўніка КДБ Аляксея Храловіча.

Згодна з фільмам, Храловіч меў дачыненне да перадачы Сцяпану Пуцілу ў лістападзе 2020 аўдыя размоваў прэс-сакратаркі Лукашэнкі Наталлі Эйсмант з рознымі службовымі асобамі. Таксама паведамлялася, што Аляксея затрымалі і далучылі да аператыўнай гульні, каб выявіць шляхі эвакуцыі беларусаў, якіх могуць пераследаваць па палітычных матывах. Паводле АНТ, сілавікі затрымалі Вячаслава Сідаракіна, Юрыя Анатольевіча Гаркача, Сяргея Старчанку, Уладзіміра Трыфанава і Вольгу Саламенік.

Справу ў Мінскім гарадскім судзе з 9 па 20 верасня 2022 года ў закрытым рэжыме разглядала суддзя Зянькевіч Валянціна.

Асуджаны на 4 гады пазбаўлення волі. Да суда амаль два гады знаходзіўся ў СІЗА КДБ.

Чарговы працэс над сілавікамі ў Мінску: абвінавачваюць у незаконных дзеяннях са зброяй і боепрыпасамі

Мінскі гарадскі суд у пятніцу, 9 верасня 2022 года, пачаў разгляд адразу некалькіх крымінальных спраў у дачыненні да былога супрацоўніка КДБ Юрыя Гаркача, былога супрацоўніка падраздзялення “Алмаз” Вячаслава Сідаракіна і Сяргея Старчанкі. Судовыя працэсы праходзяць паралельна і ў закрытым рэжыме.