Юрыя Васільевіча Трапачова абвінавацілі ў стварэнні экстрэмісцкага фарміравання (ч. 1 арт. 361-1), паклёпе на Лукашэнку (ч. 2 арт. 367), распальванні іншай сацыяльнай варожасці (ч. 1 арт. 130), а таксама ў арганізацыі і падрыхтоўцы дзеянняў, якія груба парушылі грамадскі парадак (ч. 1 арт. 342 Крымінальнага кодэкса). Пакуль вядома, што абвінавачаны Трапачоў працаваў памочнікам машыніста ў лакаматыўным дэпо ў Гомелі, яму – 41 год.

У Гомельскім абласным судзе 9 лістапада 2022 года ў закрытым судовым пасяджэнні вынесены прысуд. Суд пастанавіў шляхам частковага складання абвінавачанняў, канчаткова прызначыць пакаранне ў выглядзе пазбаўлення волі на тэрмін чатыры гады з адбываннем у папраўчай калоніі ва ўмовах узмоцненага рэжыму.

2 лютага 2023 г. КДБ уключыў палітвязня ў "спіс асобаў, датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Утрымліваўся ў СІЗА № 3. Месца адбывання пакарання ПК № 1.

Памочніка машыніста з Гомеля Юрыя Трапачова пакаралі калоніяй па пратэсных артыкулах

У Гомельскім абласным судзе 9 лістапада ў закрытым судовым пасяджэнні вынесены прысуд Юрыю Трапачову. Яго абвінавацілі ў стварэнні экстрэмісцкага фарміравання (ч.1 арт. 361-1), паклёпе на прэзідэнта (ч. 2 арт. 367), распальванні іншай сацыяльнай варожасці (ч. арт. 130), а таксама ў арганізацыі і падрыхтоўцы дзеянняў, якія груба парушылі грамадскі парадак (ч.1 арт. 342 Крымінальнага кодэкса).