Юрый Уладзіміравіч Адамаў — удзельнік беларускай супольнасці за свабоднае праграмнае забеспячэнне, а таксама сустваральнік навукова-папулярнага самвыдата «Pamylka». Ён вучыўся тэарэтычнай фізіцы ў БДУ, пасля атрымаў PhD ва ўніверсітэце Ўорыку (Англія) у кірунку "фізіка кандэнсаваных станаў". Ён рабіў Postdoctoral-даследаванне ў Брукгэйвэнскай нацыянальнай лабараторыі (штат Нью-Ёрк, ЗША) аб удасканаленні лікавага мадэлявання для моцна карэляваных сістэмаў. І яшчэ адно Postdoctoral-даследаванне ў тэорыі фізікі кандэнсаваных станаў у Тэхаскім універсітэце A&M (ЗША).

Пра затрыманне Юрыя напачатку сакавіка паведамілі ягоныя калегі. Пазней стала вядома, што Адамава змясцілі ў СІЗА-1 на Валадарскага. Па інфармацыі праваабаронцаў, Юрыю інкрымінуюць арт. 361-2 КК (фінансаванне экстрэмісцкай дзейнасці).

24 ліпеня 2023 году ў Мінскім гарадскім судзе палітзняволенага навукоўца Юрыя Адамава асудзілі да трох гадоў пазбаўлення волі ў калоніі агульнага рэжыму. Справу разглядзела суддзя Дзіна Кучук. Палітвязня прызналі вінаватым паводле арт. 361-2 КК (фінансаванне экстрэмісцкай дзейнасці). Бок абвінавачання падтрымаў пракурор Раман Бізюк.

У пачатку кастрычніка 2023 г. пераведзены ў папраўчую калонію № 3. 

13 кастрычніка 2023 г. МУС дадала Юрыя ў "спіс экстрэмістаў".

Палітзняволенага навукоўца Юрыя Адамава асудзілі да трох гадоў калоніі

Справу разглядзела суддзя Дзіна Кучук.