Яўген Коржаль

Дата нараджэння: 6 жніўня 1997

Дата затрымання: 11 жніўня 2021

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 11 чэрвеня 2023

Суддзя: Лукашэвіч Дзмітрый

Пракурор: Саковіч Аксана

Яўген Уладзіміравіч Коржаль быў затрыманы 11 жніўня 2021 года. Яго абвінавацілі ў тым, што 11 жніўня 2020 года ў Мінску на вуліцы Прытыцкага ён разам з Аляксеем Ігнаценкам і Цімафеем Мажанковым скінуў з агульнага балкона вышыннага паверху на міліцыянтаў драўляныя дзверы.

Яго дзеянні былі кваліфікаваныя паводле артыкулу 364 Крымінальнага кодэкса як пагроза ўжывання гвалту ў адносінах да супрацоўніка органаў унутраных спраў у мэтах перашкаджэння ягонай законнай дзейнасці з помсты за выкананне службовай дзейнасці.

Коржаля прызналі вінаватым і 11 лістапада 2021 асудзілі на два гады калоніі.

Утрымліваўся ў СІЗА-1. Адбывае пакаранне ў ПК № 3.

Па падліках праваабаронцаў, палітвязень цалкам адбыў тэрмін і выйшаў на волю летам 2023 г.

Траіх мінчукоў, якія скінулі з балкона дзверы на міліцыянтаў падчас пратэстаў, асудзілі да двух і трох гадоў калоніі

У судзе Фрунзенскага раёна 11 лістапада вынеслі прысуд мінчукам, якія 11 жніўня мінулага года падчас акцыі пратэсту скінулі драўляныя дзверы з балкона 11-га паверху на супрацоўнікаў міліцыі. Абвінавачаныя ўбачылі, як яны затрымлівалі і збівалі мужчыну ў двары на "Каменнай Горцы". Ніхто тады не пацярпеў, аднак на судзе пацярпелымі выступалі два супрацоўнікі, верагодна, са змененымі прозвішчамі. Маральную і матэрыяльную шкоду яны не заяўлялі. Суддзя Дзмітрый Лукашэвіч асудзіў Яўгена Коржаля і Цімафея Мажанкова да двух гадоў калоніі агульнага рэжыму, а Аляксея Ігнаценку – да трох гадоў і аднаго месяца калоніі агульнага рэжыму. Менавіта такое пакаранне запатрабавала дзяржабвінаваўца Аксана Саковіч.

Палітвязні знаходзяцца па адрасах:

Падтрымаць «Вясну»