Цімафей Мажанкоў

Дата затрымання: 11 жніўня 2021

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 2 гады

Від пакарання: пазбаўленне волі ў калоніі агульнага рэжыму

Суддзя: Лукашэвіч Дзмітрый

Пракурор: Саковіч Аксана

Месца зняволення: Турма №4

Цімафей Мажанкоў быў затрыманы 11 жніўня 2021 года. Яго абвінавацілі ў тым, што 11 жніўня 2020 года ў Мінску на вуліцы Прытыцкага ён разам з Аляксеем Ігнаценкам і Яўгенам Коржалем скінуў з агульнага балкона вышыннага паверху на міліцыянтаў драўляныя дзверы.

Яго дзеянні былі кваліфікаваныя паводле артыкулу 364 Крымінальнага кодэкса як пагроза ўжывання гвалту ў адносінах да супрацоўніка органаў унутраных спраў у мэтах перашкаджэння ягонай законнай дзейнасці з помсты за выкананне службовай дзейнасці.

Мажанкова прызналі вінаватым і асудзілі на два гады калоніі.

На пачатку снежня 2021 стала вядома аб пераводзе Цімафея з СІЗА №1 у СТ №4.

Траіх мінчукоў, якія скінулі з балкона дзверы на міліцыянтаў падчас пратэстаў, асудзілі да двух і трох гадоў калоніі

У судзе Фрунзенскага раёна 11 лістапада вынеслі прысуд мінчукам, якія 11 жніўня мінулага года падчас акцыі пратэсту скінулі драўляныя дзверы з балкона 11-га паверху на супрацоўнікаў міліцыі. Абвінавачаныя ўбачылі, як яны затрымлівалі і збівалі мужчыну ў двары на "Каменнай Горцы". Ніхто тады не пацярпеў, аднак на судзе пацярпелымі выступалі два супрацоўнікі, верагодна, са змененымі прозвішчамі. Маральную і матэрыяльную шкоду яны не заяўлялі. Суддзя Дзмітрый Лукашэвіч асудзіў Яўгена Коржаля і Цімафея Мажанкова да двух гадоў калоніі агульнага рэжыму, а Аляксея Ігнаценку – да трох гадоў і аднаго месяца калоніі агульнага рэжыму. Менавіта такое пакаранне запатрабавала дзяржабвінаваўца Аксана Саковіч.

Адрас для лістоў: Турма №4. 212011, г. Магілёў, вул. Крупскай, 99А

Палітвязні знаходзяцца па адрасах: