Яраслаў Пятровіч Саковіч раней пражываў ва Украіне, аднак вярнуўся ў Беларусь у 2021 годзе з-за хворых бацькоў. Жанаты на ўкраінцы.

Быў затрыманы КДБ. З яго выбівалі прызнанне ў тым, што ён раней ваяваў ва Украіне, тэлефанавалі яго жонцы і абяцалі выслаць ягоную галаву. Пасля гэтага Яраслава адпусцілі. Праз год яго зноў затрымалі.

Крымінальную справу разглядалі ў судзе Маскоўскага раёна горада Мінска з 19 красавіка па 4 траўня 2023 года. 4 траўня яго асудзілі да двух гадоў пазбаўлення волі паводле двух артыкулаў Крымінальнага кодэксу: арт. 295 КК (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў), арт. 370 КК (здзек з дзяржаўных сімвалаў). 

Вядома, што супраць Яраслава ўзбуджана яшчэ дзве крымінальныя справы. Ён працягвае ўтрымлівацца ў СІЗА. 

У Мінскім гарадскім судзе 14 ліпеня 2023 г. адбудзецца разгляд апеляцыйнай скаргі. Суддзя Таццяна Фалькоўская.

4 жніўня 2023 г. МУС унёс палітзняволенага ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

У жніўні 2023 г. Яраслава зноў судзілі, яго абвінавачвалі паводле арт. 356 КК (здрада дзяржаве).

У лістападзе 2023 г. стала вядома, што на судзе ў Яраслава пракурор выступіў з пратэстам, у выніку палітвязню прысудзілі 4 гады ў калоніі. Цяпер Саковіча судзяць па арт. 356 КК (здрада дзяржаве). Таксама, магчыма, будзе яшчэ адзін суд па арт. 133 КК (найміцтва). Агулам Яраслаў асуджаны на 11 гадоў пазбаўлення волі. 

У лютым 2024 г. пераведзены з СІЗА № 1 у ПК № 11.

За "здраду дзяржаве" будуць судзіць палітвязня Яраслава Саковіча, якога катавалі за дапамогу Украіне

"Вясна" распавядае, што вядома пра Саковіча, у чым яго абвінавачваюць і за што яго катавалі супрацоўнікі КДБ.