Алег Анатольевіч Саргавіцкі, былы сілавік, на пенсіі меў сваё ІП, быў затрыманы і змешчаны ў СІЗА за ўдзел у акцыі пратэсту ў Баранавічах. Ёсць звесткі, што Алег падтрымлівае дзеючую ўладу і пад затрыманне трапіў выпадкова. 

14 чэрвеня 2024 у судзе Баранавічаў і Баранавіцкага раёна распачаўся разгляд крымінальнай справы паводле арт. 342 КК (Актыўны ўдзел у групавых дзеяннях, якія груба парушаюць грамадскі парадак). Па ёй судзяць Алега і яшчэ восем чалавек. Суддзя — Сафія Хвалько, якая прысудзіла Алегу 2 гады пазбаўлення волі ў калоніі. Вядома, што ён цалкам прызнаў віну. 

Утрымліваецца ў СІЗА №6.

27 верасня 2024 г. у Брэсцкім абласным судзе адбыўся разгляд апеляцыйнай скаргі. Старшыня судовай калегіі Сяргей Беразюк.

11 кастрычніка 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.