Ягор Курзін

Палітвязень

Дата нараджэння: 20 лістапада 2002

Дата затрымання: 3 кастрычніка 2022

Прад'яўленыя абвінавачванні:

арт. 371 Крымінальнага кодэкса — Незаконнае перасячэнне дзяржаўнай мяжы Рэспублікі Беларусь
арт. 435 Крымінальнага кодэкса — Ухіленне ад мерапрыемстваў па прызыве на вайсковую службу

Вынік суда: 3 гады

Від пакарання: пазбаўленне волі ў калоніі ва ўмовах узмоцненага рэжыму

Суддзя: Сянько Віктар

21-гадовы Ягор Ігаравіч Курзін - былы студэнт БДУІР. Быў затрыманы ў канцы верасня 2022 года пры спробе пераходу беларуска-літоўскай мяжы.

Праходзіць па справе разам з Анітай Бакуновіч і Мікалаем Куляшовым за "замах на незаконнае перасячэнне мяжы" паводле ч. 1 арт. 14 і ч. 3 арт. 371 і "ўхіленне ад мерапрыемстваў прызыву на вайсковую службу" паводле ч. 1 арт. 435 КК РБ.

У Гродненскім абласным судзе 5 красавіка 2023 года суддзя Віктар Сянько прызначыў Ягору Курзіну — тры гады калоніі ўзмоцненага рэжыму і штраф у памеры 100 базавых велічынь. Утрымліваўся ў турме № 1. 

21 ліпеня 2023 г. у Вярхоўным судзе адбыўся разгляд апеляцыйнай скаргі. Старшыня судовай калегіі Таццяна Васілевіч.

Месца, дзе адбывае пакаранне Ягор, удакладняецца. 

Да пяці гадоў калоніі. У Гродне асудзілі трох чалавек за эвакуацыю з Беларусі і супрацоўніцтва з "Дапамогай"

У Гродненскім абласным судзе 5 красавіка 2023 года вынеслі прысуд былому мытніку Мікалаю Куляшову, двойчы палітзняволенай Аніце Бакуновіч і студэнту Ягору Курзіну. Іх абвінавацілі ў "замаху на незаконнае перасячэнне мяжы", "удзеле ў "экстрэмісцкім фармаванні" — арганізацыі "Дапамога", а таксама па шэрагу іншых артыкулах Крымінальнага кодэкса. Суддзя Віктар Сянько прызначыў Мікалаю Куляшову пяць гадоў калоніі, Аніце Бакуновіч — тры з паловай гады зняволення, Ягору Курзіну — тры гады калоніі.

Палітвязні знаходзяцца па адрасах:

Падтрымаць «Вясну»