Іван Аляксандравіч Сухамераў — жыхар Петрыкава. У 2017 годзе хлопец атрымаў дыплом сацыяльнага педагога па заканчэнні Мазырскага дзяржаўнага педагагічнага ўніверсітэта імя Івана Шамякіна. Прыблізна з гэтага часу, як бачна па ягоных сацыяльных сетках, ён пачаў крытычна выказвацца на адрас улады. Асабліва актыўна мужчына выступаў супраць адыёзнага дэкрэта “Аб дармаедах”.

Тэлеграм-каналы сілавікоў пісалі, што ён нібыта быў затрыманы пры нелегальным пераходзе мяжы ў Беларусь.

Суд над ім распачаўся ў Гомельскім абласным судзе 15 лютага 2024 году. Справу разглядаў суддзя Сяргей Багінскі. Яго абвінавачвалі паводле наступных артыкулаў Крымінальнага кодэкса: 

• ч. 1 арт. 361-3 (удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеянняў, вярбоўка або падрыхтоўка асоб да такога ўдзелу);
• ч. 2 арт. 367 (паклёп у дачыненні да Лукашэнкі);
• ч. 1 і 2 арт. 361-2 (фінансаванне экстрэмісцкай дзейнасці);
• арт. 369-1 (дыскрэдытацыя Рэспублікі Беларусь);
• ч. 3 арт. 361-1 (стварэнне экстрэмісцкага фарміравання або ўдзел у ім);
• ч. 1 і 2 арт. 361-4 (садзейнічанне экстрэмісцкай дзейнасці);
• арт. 370 (здзек з дзяржаўных сімвалаў);
• ч. 3 арт. 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь);
• ч. 1 арт. 356 (здрада дзяржаве);
• ч. 2 арт. 290-5 (арганізацыя дзейнасці тэрарыстычнай арганізацыі і ўдзел у дзейнасці такой арганізацыі).

Па версіі абвінавачвання, Іван размяшчаў негатыўныя публікацыі ў дачыненні да Лукашэнкі на сваіх старонках у сацсетках, а таксама матэрыялы, якія заклікаюць міжнародныя арганізацыі да санкцый у дачыненні да Беларусі. Ён жа ўступіў у склад BYPOL, хацеў стаць ваяром палка Кастуся Каліноўскага і данаціў ЗСУ.

Верагодна, пад вартай ён утрымліваецца з сярэдзіны чэрвеня 2023 года – тады мужчыну судзілі паводле арт. 19.11 КаАП (распаўсюд экстрэмісцкіх матэрыялаў). 

8 красавіка 2024 г. быў агучаны прысуд – 10 гадоў калоніі і штраф у 100 базавых велічыняў (4000 рублёў). 

2 жніўня 2024 г. разгледзелі апеляцыйную скаргу Івана. Старшыня судовай калегіі Максім Філатаў.

16 жніўня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

"Уступіў у BYPOL, хацеў стаць ваяром палка Каліноўскага і данаціў ЗСУ". Жыхара Петрыкава асудзілі да 10 гадоў калоніі

У Гомельскім абласным судзе 8 красавіка да 10 гадоў калоніі і штрафу ў 100 базавых велічыняў (4000 рублёў) асудзілі 28-гадовага жыхара Петрыкава Івана Сухамерава. Яго абвінавацілі адразу паводле 10 артыкулаў Крымінальнага кодэкса, сярод якіх – "здрада дзяржаве", "заклік да санкцыяў" і "ўдзел у дзейнасці тэрарыстычнай арганізацыі". Яго абвінавацілі ў тым, што ён уступіў у BYPOL, хацеў стаць ваяром палка Кастуся Каліноўскага і данаціў ЗСУ. Суд адбываўся ў закрытым рэжыме з 15 лютага, таму падрабязнасці абвінавачвання вядомыя толькі з праўладнага СМІ gp.by. Прысуд вынес Сяргей Багінскі.

28-гадовага жыхара Петрыкава судзяць за "здраду дзяржаве" і яшчэ па 9 палітычных артыкулах

Тэлеграм-каналы сілавікоў пісалі, што ён нібыта быў затрыманы пры нелегальным пераходзе мяжы ў Беларусь.