Цімур Набіевіч Рызапур – быў затрыманы 30 верасня 2020 г., абвінавачваўся ва ўдзеле ў масавых беспарадках ўвечары 10 жніўня ў Брэсце па ч. 2 арт. 293 Крымінальнага кодэкса.

37-гадовы таксіст увечары 10 жніўня 2020 г. вяртаўся з працы дадому, але яго падстрэлілі гумовымі кулямі пяць разоў. Следчы тлумачыць выбар меры стрымання ўтрымання пад вартай тым, што ў Цімура Рызапура няма беларускага грамадзянства, нягледзячы на тое, што ў яго ёсць від на жыхарства і ён жыве ў Беларусі ўжо каля 23 гадоў. Цімура на волі чакаюць жонка і трое непаўнагадовых дзяцей.

10 сакавіка 2021 г. у судзе Маскоўскага раёна Брэста Цімуру і яшчэ 8 іншым фігурантам гэтай крымінальнай справы вынеслі прысуды. Цімур Рызапур атрымаў чатыры з паловай гады калоніі ўзмоцненага рэжыму.

Накіраваны ў папраўчую калонію ў Наваполацку.

У чэрвені 2023 года праваабаронцам стала вядома, што Цімур знаходзіўся больш за 100 сутак ў ШІЗА і затым быў змешчаны ў ПКТ.

10 ліпеня 2024 г. у судзе Ленінскага раёна Магілёва над ім распачаўся суд паводле ч. 2 арт. 411 КК (злоснае непадпарадкаванне адміністрацыі калоніі).17 ліпеня 2024 года суддзя Наталля Панасенка прызначыла Цімуру яшчэ адзін год пазбаўлення волі ў дадатак да чатырох з паловай гадоў калоніі.

17 верасня 2024 г. у Цімура адбыўся разгляд апеляцыйнай скаргі. Суддзя Сяргей Каралёў.

Палітвязню Цімуру Рызапуру дадалі яшчэ адзін год зняволення

У судзе Ленінскага раёна Магілёва 17 ліпеня 2024 года вынеслі прысуд палітвязню Цімуру Рызапуру па крымінальнай справе за "злоснае непадпарадкаванне адміністрацыі калоніі" (арт. 411 Крымінальнага кодэкса).

Падстрэлілі пяць разоў гумавымі кулямі і абвінавачваюць у масавых беспарадках

30 верасня ў Брэсце быў затрыманы 37-гадовы таксіст Цімур Рызапур. Увечары 10 жніўня, калі ён вяртаўся з працы дадому, яго падстрэлілі гумавымі кулямі пяць разоў. Зараз яго абвінавачваюць ва ўдзеле ў масавых беспарадках па ч. 2 арт. 293 Крымінальнага кодэкса і ўтрымліваюць пад вартай у брэсцкім СІЗА-7. Следчы тлумачыць выбар такой меры стрымання тым, што ў Цімура Рызапура няма беларускага грамадзянства, нягледзячы на тое, што ў яго ёсць від на жыхарства і ён жыве ў Беларусі ўжо каля 23 гадоў. Жонка Цімура Алена распавяла «Вясне» гісторыю мужа.

Хроніка судовых працэсаў:

Больш за 20 пацярпелых міліцыянтаў. У Брэсце за масавыя беспарадкі 10 жніўня судзяць адразу дзевяць чалавек

У судзе Маскоўскага раёна Брэста пачаўся разгляд крымінальнай справы па ч. 2 арт. 293 Крымінальнага кодэкса (удзел у масавых беспарадаках) за выбарчыя пратэсты 10 жніўня. На лаве падсудных — адразу дзесяць чалавек: бацька і сын, таксіст, студэнт, школьнік і іншыя. Справу разглядае суддзя Вера Філонік. У зале суда "не хапіла месца" нават сваякам падсудных. "Вясна" назірае за гэтай крымінальнай справай і распавядае яе падрабязнасці.

"Камяні ў нас кідалі як па камандзе": што кажуць міліцыянты ў судзе па сутыкненнях у Брэсце 10 жніўня

У судзе Маскоўскага раёна Брэста 17 лютага працягваецца працэс па абвінавачванні дзевяці чалавек у актыўным удзеле ў масавых беспарадках (ч. 2 арт. 293 Крымінальнага кодэкса) 10 жніўня на вуліцах абласнога цэнтра.

Ад 3 да 4,5 гады калоніі. У Брэсце запрасілі тэрміны для дзевяці чалавек па справе аб масавых беспарадках 10 жніўня

Дзяржабвінаваўца запрасіў пакаранне для абвінавачаных — для ўсіх пазбаўленне волі ад трох да чатырох з паловай гады, нават для школьнікаў

У Брэсце на 3-4,5 гады калоніі асудзілі дзевяць чалавек па справе аб масавых беспарадках 10 жніўня

Суддзя палічыла, што віна ўсіх абвінавачаных ва ўдзеле ў масавых беспарадках 10 жніўня па ч. 2 арт. 293 Крымінальнага кодэкса даказаная.