Данііл Ігаравіч Жарын быў абвінавачаны паводле арт. 130 Крымінальнага кодэксу (Распальванне сацыяльнай варожасці), ч. 1 арт. 289 КК (Акт тэрарызму).

Яго вінавацілі ў нападзе на будынак Інстытута МУС у чэрвені 2021 года. Паводле звестак следства, уначы 10 чэрвеня нехта кінуў бутэльку з гаручым рэчывам ва ўваходныя дзверы Магілёўскага інстытута МУС.

Судовая калегія па крымінальных справах Магілёўскага абласнога суда 1 снежня 2021 года на падставе арт. 101 Крымінальнага кодэкса Рэспублікі Беларусь прызначыла Жарыну прымусовыя меры бяспекі і лячэння ў выглядзе прымусовага лячэння ў псіхіятрычным стацыянары з узмоцненым наглядам.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

23 траўня 2022 г. КДБ уключыў Данііла ў спіс "асобаў, якія маюць дачыненне да тэрарыстычнай дзейнасці".

Жыхара Магілёва, якога вінавацілі ў акце тэрарызму, накіравалі на прымусовае лячэнне

У Магілёўскім абласным судзе 1 снежня вынесенае рашэнне па крымінальнай справе, узбуджанай па ч.1 арт. 289 Крымінальнага кодэксу (акт тэрарызму) і арт. 130 (распальванне іншый сацыяльнай варажнечы) у дачыненні да мясцовага жыхара Данііла Жарына.