Іван Аляксандравіч Янчук — былы сілавік. Спачатку ён займаў пасаду следчага ў Маларыце, пасля перавёўся следчым у кобрынскі РАУС. Меў званне лейтэнанта.

Па інфармацыі з відэа ГУБАЗіКа, ён звольніўся з сілавых структур і заняўся майнінгам крыптавалют. Як сцвярджаюць сілавікі, Іван перадаваў інфармацыю пра сваіх калегаў розным тэлеграм-каналам. Цяпер ён затрыманы паводле ч.3 арт. 130 КК РБ. Утрымліваўся ў СІЗА-1. Са жніўня 2023 г. пераведзены ў СІЗА-7. 

У кастрычніку 2023 г. стала вядома, што Івану прысудзілі 7 гадоў пазбаўлення волі ў калоніі ўзмоцненага рэжыму.

28 лістапада 2023 г. у Вярхоўным судзе разгледзелі апеляцыйную скаргу Івана. Старшыня судовай камісіі Юрый Руткоўскі. Прысуд набыў моц.

Іван адбывае пакаранне ў ПК-3. 

 1 снежня 2023 г. МУС дадала Івана ў "спіс экстрэмістаў". 

5 снежня 2023 г. КДБ дадаў Івана ў "спіс тэрарыстаў".