Ілля Славаміравіч Гумбар  — senior-распрацоўшчык з iTechArt, дзе ён працуе больш за дванаццаць гадоў. Таксама ён з'яўляецца адным з найлепшых трэйлранераў Беларусі. 

Яго абвінавачваюць паводле двух артыкулаў Крымінальнага кодэкса: «фінансаванне экстрэмісцкага фармавання» (арт. 361-2 КК у рэдакцыі да 26.05.2021) і «фінансаванне экстрэмісцкай дзейнасці» (ч. 1 і ч. 2 арт. 361-2 КК). 

Судзіць Іллю пачалі 1 ліпеня 2024 года. Справу разглядае Святлана Макарэвіч. Мужчына ўтрымліваецца пад вартай у СІЗА № 1.

Вядома, што Іллю асудзілі да пазбаўлення волі ў калоніі. 

3 верасня 2024 г. у Іллі ў Вярхоўным судзе адбыўся разгляд апеляцыйнай скаргі. Старшыня судовай калегіі Дзіна Кучук. Прысуд набыў моц. 

20 верасня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбывае тэрмін у ПК № 3.