Ігара Юр'евіча Шумілава абвінавацілі паводле арт. 369 КК (Абраза прадстаўніка ўлады) і змясцілі ў СІЗА-6. Ігар — актывіст з Баранавічаў, мае інваліднасць трэцяй групы: дзесяць гадоў таму ён трапіў у ДТЗ, яму ампутавалі нагу. 

Былога байкера Ігара Шумілава затрымалі 23 лютага 2023 г. На наступны дзень яго асудзілі паводле арт. 19.11 КаАП за «распаўсюд экстрэмісцкіх матэрыялаў». Суддзя Вікторыя Пакунова прызнала яго вінаватым і арыштавала на 15 сутак.

Пазней праваабаронцам «Вясны» стала вядома, што супраць яго распачалі крымінальную справу паводле арт. 369 КК (абраза прадстаўніка ўлады) і змясцілі ў СІЗА-6.

30 траўня 2023 г. у судзе Баранавіцкага раёна і г. Баранавічы адбыўся разгляд крымінальнай справы паводле арт. 369 КК (Абраза прадстаўніка ўлады), ч. 1 арт. 368 КК (Абраза А.Лукашэнкі) і ч. 2 арт. 367 КК (Паклёп у дачыненні да А.Лукашенкі). Суддзя Мікалай Кміта прысудзіў 4 гады 6 месяцаў пазбаўлення волі ў калоніі агульнага рэжыму.

11 жніўня 2023 г. у Брэсцкім абласным судзе разглядалася апеляцыйная скарга Шумілава. Працэс быў прызначаны весці суддзя Сяргей Беразюк. Вынік судовага пасяджэння высвятляецца.

У верасні 2023 г. стала вядома, што Ігара перавялі ў ПК-17. 

Баранавіцкага актывіста з інваліднасцю трэцяй групы асудзілі да 4,5 гадоў калоніі

У судзе Баранавіцкага раёна і горада Баранавічы 30 траўня 2023 года быў агучаны прысуд былому байкеру і актывісту Ігару Шумілаву — чатыры з паловай гады зняволення ва ўмовах агульнага рэжыму.