Дзмітрыя Аляксандравіча Белямука абвінавацілі па трох артыкулах Крымінальнага кодэкса: ч.1 арт. 368 (абраза Лукашэнкі), арт. 369 (абраза прадстаўніка ўлады) і ч. 1 арт. 130 (распальванне расавай, нацыянальнай, іншай варожасці).

Паводле звестак “Берасцейскай вясны”, мужчыну змясцілі пад варту ў сярэдзіне лютага 2023 года.

Брэсцкі абласны суд 28 чэрвеня 2023 года прысудзіў Дзмітрыю тры гады калоніі ва ўмовах агульнага рэжыму, а таксама штраф у памеры 100 базавых велічынь (3700 рублёў). Працэс вяла суддзя Руслана Сянько, дзяржабвінаваўца – Аляксандр Бацюшка.

29 жніўня 2023 г. у Вярхоўным судзе была разгледжана апеляцыйная скарга палітвязня. Суддзя Мікалай Грынцэвіч.

12 верасня 2023 г. КДБ унёс Дзмітрыя Белямука ў "спіс тэрарыстаў". 

1 верасня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Калонія, у якой палітвязень адбывае пакаранне пасля СІЗА-7, пакуль невядомая. 

Аляксандр Белямук: "Сыну прысудзілі тры гады ні за што, нягледзячы на праблемы са здароўем"

Брэсцкі абласны суд 28 чэрвеня 2023 года разгледзеў крымінальную справу супраць берасцейца, спартоўца Дзмітрыя Белямука.