Дзяніс Валянцінавіч Сальмановіч узяты пад варту паводле абвінавачвання ў пяці артыкулах Крымінальнага кодэкса:

• ч. 2 арт. 290-4 — стварэнне арганізацыі для ажыццяўлення тэрарыстычнай дзейнасці або ўдзел у ёй;
• ч. 1 арт. 342 — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;
• ч. 3 арт. 130 — распальванне іншай сацыяльнай варожасці;
• ч. 3 арт. 361-1 — стварэнне экстрэмісцкага фарміравання альбо ўдзел у ім;
• ч. 3 арт. 361 — заклікі да мер абмежавальнага характару (санкцый), іншым дзеянняў, накіраваных на прычыненне шкоды нацыянальнай бяспецы Рэспублікі Беларусь.

Сілавікі называлі Дзяніса "галоўным візуальным рэдактарам" ролікаў "Кібер-партызан" і "Супраціву".

26 чэрвеня 2022 г. КДБ унёс Дзяніса у спіс "асоб, якія маюць дачыненне да тэрарыстычнай дзейнасці".

У сярэдзіне ліпеня 2022 г. стала вядома аб пераводзе Дзяніса з СІЗА-1 у брэсцкі СІЗА-7.

Брэсцкі абласны суд 20 верасня 2022 г. пачаў разгляд крымінальнай справы палітзняволенага. 30 верасня суд прызнаў Дзяніса вінаватым і па сукупнасці абвінавачанняў прысудзіў яму пазбаўленне волі тэрмінам на 10 гадоў ва ўмовах узмоцненага рэжыму, а таксама штраф у памеры 6 400 рублёў.

30 снежня 2022 г. МУС уключыў палітвязня ў "спіс экстрэмістаў".

У студзені 2023 г. Дзяніса этапавалі з СІЗА-7 у ПК № 3 у Віцьбе.

І "тэрарыст", і "экстрэміст" адначасова: суровы прысуд палітвязню Дзянісу Сальмановічу

Сальмановіча яшчэ чакае разгляд грамадзянскага пазову на суму 33 000 рублёў за нібыта перакрыццё дарог.

Маці палітвязня Дзяніса Сальмановіча: "Сын трымаецца, нягледзячы на тое што яму пагражае вялікі тэрмін"

"У дзень затрымання яны былі дома з малодшай сястрой Юляй, на той момант яна была непаўнагадовай. Яны ўварваліся ў дом раніцай, пачалі абражаць дачку рознымі словамі, спрасонку яна нічога не зразумела. Яна чула, як гэтыя нелюдзі ўварваліся ў пакой да Дзяніса, а ён тады хварэў на каронавірус. Юля бачыла, як сына вывелі з пакоя ў майтках, і ён стаяў з тэмпературай басанож на халоднай плітцы на балконе, пакуль яны чынілі пагром у доме".

Сілавікі затрымалі Дзяніса Сальмановіча, якога называюць "галоўным візуальным рэдактарам" ролікаў "Кібер-партызан"

Сілавікі затрымалі Дзяніса Сальмановіча, якога называюць "галоўным візуальным рэдактарам" ролікаў руху "Супраціў". У рух уваходзяць, у тым ліку, "Кібер-партызаны". Відэа з затрыманым з'явілася ў тэлеграм-канале "Граф Мураўеў-Вiленскi".