Дзяніс Івашын

журналіст, асуджаны да 13 гадоў і 1 месяца зняволення

Палітвязень

Дата нараджэння: 6 чэрвеня 1979

Дата затрымання: 12 сакавіка 2021

Прад'яўленыя абвінавачванні:

арт. 356 Крымінальнага кодэкса — Здрада дзяржаве
арт. 179 Крымінальнага кодэкса — Незаконны збор і распаўсюд звестак аб прыватным жыцці

Вынік суда: 13 гадоў і 1 месяц

Від пакарання: пазбаўленне волі ў турме ва ўмовах строгага рэжыму

Дата пачатку адбыцця пакарання: 17 студзеня 2023

Суддзя: Раманоўскі Валерый

Месца зняволення: Следчая турма № 8

Пазнакі: Сур’ёзныя праблемы са здароўем

Групы: Журналісты

Сімвалічны/ая хросны/ая: Шон Хогі, член Палаты прадстаўнікоў Ірландыі

Дзяніс Івашын

Дзяніс Яўгенавіч Івашын жыве ў Гродне, жанаты. Працуе як рэдактар-валанцёр беларускай версіі сайта міжнароднай раследвальнай супольнасці InformNapalm з 2014 года, а таксама пазаштатным карэспандэнтам у газеце "Новы час" з 2018-га. Вядомы сваім раследаванням пра ўплыў "русского мира" на Беларусь і Сірыю, пра скандальную забудову ў Курапатах, а таксама пра пераход былых украінскіх беркутаўцаў у сілавыя структуры Беларусі.

Журналіста Дзяніса Івашына 12 сакавіка 2021 года затрымалі супрацоўнікі КДБ за ўмяшанне ў дзейнасць міліцыі і абвінавацілі паводле арт. 365 Крымінальнага кодэкса. Да позняй ночы ў кватэры журналіста сілавікі праводзілі ператрус. Таксама ў той вечар вобшук зрабілі дома ў маці Дзяніса, а 15 сакавіка прыйшлі з вобшукам да яго 95-гадовай бабулі.

"У хаце і на лецішчы правялі ператрусы, вымалі ўсе носьбіты інфармацыі: тэлефоны, ноўтбукі, камп'ютары, сім-карты, банкаўскія карткі, кнігі, нататнікі, запісы, грошы ды розную драбязу кшталту сцяжкоў, значкаў, візітак ды інш. Вельмі цікавіла ўсе, звязанае з Украінай, хоць у пастанове на ператрус згадваецца крымінальны артыкул нібыта за распаўсюд асабістай інфармацыі. Зараз Дзяніс знаходзіцца ў турме № 1 Гродна",паведаміла жонка журналіста Вольга Івашына.

30 кастрычніка стала вядома, што Дзянісу Івашыну выставілі абвінавачванне па ч. 1 арт. 356 КК (здрада дзяржаве).

У канцы снежня 2021 жонка журналіста Вольга паведаміла, што Дзяніс змешчаны ў карцар, прычына і тэрмін — невядомыя.

21 лютага 2022 года ў Ленінскім судзе г. Гродна ў закрытым рэжыме разглядзелі скаргу на меру ўтрымання палітзняволенага журналіста Дзяніса Івашына. Суддзя Уладзімір Янкоўскі пакінуў яе без задавальнення.

У сярэдзіне сакавіка 2022 праваабаронцам стала вядома, што КДБ таксама абвінавачвае Івашына ў супрацоўніцтве з украінскай выведкай.

У сярэдзіне чэрвеня 2022 справу Дзяніса перадалі ў суд. 15 жніўня ў Гродзенскім абласным судзе ў закрытым рэжыме распачаўся разгляд справы журналіста.

14 верасня 2022 года суддзя Валерый Раманоўскі прызнаў Дзяніса Івашына вінаватым паводле арт. 365 (умяшанне ў дзейнасць супрацоўніка ўнутраных спраў) і ч. 1 арт. 356 Крымінальнага кодэкса (здрада дзяржаве) і асудзіў яго да 13 гадоў і 1 месяца калоніі ва ўмовах узмоцненага рэжыму.

Палітзняволенага 1 кастрычніка 2022 г. змясцілі ў карцар. Адміністрацыя гродзенскай турмы ізноў адпраўляла Дзяніса ў карцар з 4 па 14 лістапада.

Выявілася, што яшчэ ўвесну 2021 г. адміністрацыя гродзенскай турмы паставіла Дзяніса на ўлік як "схільнага да экстрэмізму і іншых дэструктыўных дзеянняў".

Вярхоўны суд 20 снежня 2022 г. разглядзеў апеляцыйную скаргу палітзняволенага журналіста. Прысуд пакінулі без зменаў, а скаргу без задавальнення.

Жонка палітвязня паведаміла, што Дзяніса неаднаразова спрабавалі скампраметаваць, пераводзячы ў камеру з людзьмі, якія маюць за кратамі нізкі сацыяльны статус. Аднак, паводле сваякоў, Дзяніс досыць хутка адаптуецца да знешніх умоў, вывучае ўнутраныя правілы і традыцыі.

Вядома, што ў студзені 2023 г. Дзяніса змяшчалі ў карцар, а праз два дні ён апынуўся ў карантыне з высокай тэмпературай, сухім кашлем і праблемамі з дыханнем.

17 студзеня палітвязня этапавалі ў магілёўскую ПК № 15. Ён прыбыў у калонію з высокай тэмпературай і адразу трапіў у шпіталь. 10 лютага стала вядома, што Дзяніса перавялі з бальніцы ў атрад.

Згодна з даведкай з суда, Івашына асудзілі паводле двух артыкулаў Крымінальнага кодэксу: ч. 1 арт. 356 (здрада дзяржаве) і арт. 179 (незаконны збор або распаўсюд дадзеных аб асабістым жыцці). Калі і з якой прычыны адбылася замена ці перакваліфікацыя абвінавачання, невядома.

У канцы лютага 2023 г. Дзяніса перавялі ў Турму № 1, а ў сакавіку перавялі назад у магілёўскую ПК № 15. Там яго абмежавалі дзвюма "атаваркамі" замест належных пяці.

Вольга, жонка журналіста, паведаміла ў красавіку 2023 г., што родным палітвязня нібы пагражаюць спыніць любую камунікацыю з ім, калі яны не перастануць распаўсюджваць інфармацыю пра Дзяніса. У канцы красавіка Дзяніса змясцілі ў ШІЗА.

Напрыканцы чэрвеня 2023 года журналіста перавялі на турэмны рэжым у Жодзіна. Жонка палітвязня Вольга адзначыла, што пра суд па змене рэжыму ані сваякі, ані адвакат не ведалі. Цяпер ён знаходзіцца ў жодзінскай турме № 8, а першыя паўгода будзе ўтрымлівацца на строгім рэжыме.

У красавіку 2024 г. стала вядома ад жонкі палітвязня, Вольгі, што Дзяніса пазбавілі перадач. Таксама яна адзначыла, што цяпер, каб даслаць вітаміны ў турму ці калонію, неабходна атрымаць спецыяльны дазвол ад лекара медычнай часткі ўстановы. Раней такое правіла распаўсюджвалася толькі на неабходныя лекі.

Журналіста "Новага Часу" Дзяніса Івашына асудзілі да 13 гадоў і 1 месяца калоніі

12 верасня Івашын выступіў з апошнім словам, але грамадскасць яго не змагла пачуць праз тое, што працэс праходзіў у закрытым рэжыме.

У Гродне ў закрытым рэжыме пачынаюць судзіць журналіста Дзяніса Івашына

Журналісту пагражае да 15 гадоў калоніі. Судовы працэс узначальвае суддзя Валерый Раманоўскі. Суд будзе праходзіць у закрытым рэжыме, бо на працэсе "будуць разглядаць дзяржаўныя таямніцы".

Дзяніс Івашын — «Журналіст года-2021»

10 снежня, у Міжнародны Дзень правоў чалавека, праваабаронцы назвалі імёны пераможцаў Нацыянальнай прэміі за дасягненні ў галіне правоў чалавека ў трох намінацыях: «Праваабаронца года», «Журналіст года»і «Кампанія/ініцыятыва года».

Справа Івашына: чаму ўлады спужаліся журналіста з Гродна?

Беларускага журналіста Дзяніса Івашына, які распавёў пра былых "беркутаўцаў" на службе ў Лукашэнкі, абвінавачваюць у дзяржаўнай здрадзе. Што пра яго вядома?

Маці журналіста Івашына, у якога здарыўся сардэчны прыступ: «Яго могуць забіць»

Маці журналіста Дзяніса Івашына, у якога напярэдадні здарыўся сардэчны прыступ у горадзенскай турме, Людміла Івашына расказала, што ў сына раней не было праблем з сэрцам, а таксама — што магло стаць прычынай прыступу.

«Зрабіць з яго баевіка не атрымаецца»: хто такі журналіст Дзяніс Івашын, якога КДБ затрымаў у Гродне

Увечары 12 сакавіка супрацоўнікі КДБ у Горадні затрымалі журналіста і валанцёра міжнароднай супольнасці «InformNapalm» Дзяніса Івашына. Падставаю для затрымання стала падазрэнне ва ўмяшанні ў дзейнасць супрацоўнікаў органаў унутраных справаў (арт. 365 КК). Гэты артыкул прадугледжвае пакаранне ў выглядзе штрафу альбо пазбаўлення волі тэрмінам да 3 гадоў.

«Ён змагаўся за праўду»

Чым вядомы Дзяніс Івашын, якога затрымаў КДБ, і пры чым тут Украіна

 

Адрас для лістоў: Следчая турма № 8. 222163, г. Жодзіна, вул. Савецкая, 22А

Палітвязні знаходзяцца па адрасах:

Падтрымаць «Вясну»