Чэслаў Эдуардавіч Герасімовіч быў асуджаны за данаты ў Мінскім гарадскім судзе да 5 гадоў пазбаўлення волі  ў калоніі ўзмоцненага рэжыму паводле ч. 1 і ч. 2 арт. 361-2 КК (фінансаванне экстрэмісцкай дзейнасці). 5 і 9 снежня 2024 года справу разгледзела суддзя Макарэвіч Святлана. Таксама яму прысудзілі штраф, памерам 300 БВ.

Чэслаў — мінчанін. Нейкі час у 2022-м ён працаваў у Вільні, але пад восень 2022-га вярнуўся ў Мінск. Сам Чэслаў у сацсетках пісаў, што больш за 15 гадоў праводзіў трэнінгі па псіхатэрапіі. З 2011-га стаў працаваць тэсціроўшчыкам. Захапляецца музыкай і іграе на гітары, а таксама піша вершы і малую прозу.

11 студзеня 2025 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

За данаты затрымалі мужчыну

На "пакаяльным відэа" ён "прызнаецца" ў тым, што быў падпісаны на "экстрэмісцкія каналы", чатыры разы фінансаваў "экстрэмісцкія фармаванні", а таксама нібыта прайшоў рэгістрацыю ў чат-боце плана "Перамога".