Артур Андрэевіч Радзівановіч, па версіі следства, “праз мэсэнджар тэлеграм па сваёй ініцыятыве ўступіў у перапіску з прадстаўнікамі ўзброенага фармавання “Полк імя К.Каліноўскага”. У зносінах малады чалавек высвятляў парадак і ўмовы залічэння ў полк, а затым спланаваў перасячэнне дзяржаўнай мяжы Рэспублікі Беларусь з Рэспублікай Польшчай і далейшы маршрут ва Украіну. Далей, па прыбыцці 30 снежня 2023 года ў міжнародны пункт пропуску «Брэст» для руху ва Украіну праз тэрыторыю Польшчы абвінавачаны быў затрыманы супрацоўнікамі органаў унутраных спраў.

Брэсцкі абласны суд 21 траўня 2024 года пастанавіў на падставе ч. 1 арт.13 і ч. 1 арт. 361-3 Крымінальнага кодэкса (“удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеянняў, вярбоўка альбо падрыхтоўка асоб да такога ўдзелу”) прызначыць Радзівановічу пакаранне ў выглядзе пазбаўлення волі на тэрмін два гады і шэсць месяцаў з адбываннем у папраўчай калоніі ва ўмовах агульнага рэжыму са штрафам у памеры 500 базавых велічынь. Справу разглядаў суддзя Дзмітрый Куроўскі.

Вынесены прысуд жыхару Пінска за намер далучыцца да "Палка імя Каліноўскага"

Брэсцкі абласны суд 21 траўня 2024 года вынес прысуд 32–гадоваму жыхару Пінска Артуру Радзівановічу.