Андрэй Валахановіч
Палітвязень
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
- арт. 368 Крымінальнага кодэкса — Абраза прэзідэнта Рэспублікі Беларусь
- арт. 130 Крымінальнага кодэкса — Распальванне варожасці ці варажнечы
- арт. 369-1 Крымінальнага кодэкса — Дыскрэдытацыя Беларусі
- арт. 130-1 Крымінальнага кодэкса — Рэабілітацыя нацызму
Вынік суда: 6 гадоў
Від пакарання: пазбаўленне волі ў калоніі ва ўмовах узмоцненага рэжыму
Суддзя: Сімахіна Любоў
Месца зняволення: СІЗА-1
Андрэй Віктаравіч Валахановіч верагодна быў затрыманы ў верасні 2023 года. Прычына — чат, у якім яны з сябрамі абмяркоўвалі розныя падзеі. Імаверна, тады ж затрымалі і двух яго сяброў — Уладзіміра Алісіевіча і Эдуарда Кашэцяна.
Іх абвінавацілі па пяці артыкулах. Гэта «распальванне варажнечы групай асобаў або з цяжкімі наступствамі» (ч. 3 арт. 130 КК), «дыскрэдытацыя Беларусі» (арт. 369-1 КК), «рэабілітацыя нацызма, здзейсненая групай асобаў або з цяжкімі наступствамі» (ч. 3 арт. 130-1 КК), «удзел у дзеяннях, якія груба парушаюць грамадскі парадак» (ч. 1 арт. 342 КК) і «абраза Лукашэнкі» (ч. 1 арт. 368 КК).
Суд над мужчынамі пачаўся 7 чэрвеня 2024 года ў Мінгарсудзе. Працэс вяла суддзя Любоў Сімахіна. 26 ліпеня мужчынам агучылі прысуд. Вядома, што Андрэю прызначылі 6 гадоў пазбаўлення волі ва ўмовах узмоцненага рэжыму.
