Андрэй Уладзіміравіч Любецкі — лекар, 18 гадоў адпрацаваў у дзіцячай лякарні №4 у Мінску сківічным хірургам. Быў валанцёрам каля ізалятара на Акрэсціна. Мае чатырох дзяцей. Жонка Андрэя Наталля Любецкая была вымушана разам з дзецьмі з'ехаць з краіны. Яна фігуравала ў "расследаванні" беларускага дзяржканала: жанчыну абвінавацілі ў перадачы падстаўных "сакрэтных дакументаў" экс-алмазаўцу Ігару Макару.

Андрэй Любецкі быў затрыманы 4 траўня 2021 года. Ранкам у яго кватэру прыйшлі з вобшук, а затым затрымалі Любецкага. Яму прад'явілі абвінавачванне паводле ч. 2 артыкуле 368 Крымінальнага кодэксу (Абраза прэзідэнта). У лістападзе 2021 стала вядома, што Андрэю таксама ставяцца ў віну ч.1 арт. 342 (арганізацыя і падрыхтоўка дзеянняў, якія груба парушаюць грамадскі парадак) і ч. 2 арт. 293 (Удзел у масавых беспарадках).

Андрэй утрымліваўся пад вартай у СІЗА жодзінскай турмы, пасля быў пераведзены ў СІЗА-1 у Мінск.

У канцы сакавіка 2022 Следчы камітэт завяршыў расследаванне справы супраць Андрэя Любецкага і кваліфікаваў ягоныя дзеянні паводле ч. 1 арт. 342 КК (удзел у дзеяннях, якія груба парушаюць грамадскі парадак); ч. 1 арт. 130 КК (распальванне сацыяльнай варожасці); арт. 369 (абраза прадстаўніка ўлады) і ч.1, 2 арт. 368 КК (абраза прэзідэнта).

Згодна з версіяй следства, хірург "неаднаразова публічна выказваўся аб прынятым рашэнні парушыць дадзеную ім мэдычную клятву... і ўсяляк перашкаджаць аказанню медычнай дапамогі супрацоўнікам міліцыі і чальцам іх сем’яў, заклікаў сваіх калегаў да падобных супрацьпраўных дзеянняў". Таксама Любецкага абвінавачваюць ва ўдзеле ў як мінімум васьмі пратэсных акцыях у Мінску і напісанні допісаў у сацсетках, якія кваліфікавалі як абразы і распальванне варожасці.

7 красавіка 2022 года ў Мінскім гарадскім судзе пачаўся працэс над Андрэем Любецкім. 18 красавіка суддзя Святлана Чарапанава асудзіла лекара да пяці гадоў пазбаўлення волі ў калоніі агульнага рэжыма. Менавіта такое пакаранне запрасіла для Любецкага пракурорка Жанна Баранава.

11 траўня 2022 быў пераведзены з СІЗА-1 у жодзінскую СТ № 8, а праз тыдзень — у магілёўскую Турму № 4. З сярэдзіны ліпеня 2022 Андрэй адбывае пакаранне ў бабруйскай калоніі № 2.

7 ліпеня 2022 г. КДБ унёс Андрэя Любецкага ў спіс "тэрарыстаў".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітзняволенага хірурга Андрэя Любецкага асудзілі да пяці гадоў пазбаўлення волі

«Мае досвед, веды і ўменні спатрэбіліся б шматлікім людзям, калі я буду на волі і буду займацца тым, чым займаўся 23 гады. [У мяне] вельмі эксклюзіўная спецыялізацыя, і ў Беларусі спецыялістаў майго ўзроўню можна пералічыць на пальцах адной, максімум дзвюх рук», — сказаў хірург у апошнім слове.

Пракурорка запрасіла для палітзняволенага хірурга Андрэя Любецкага пяць гадоў пазбаўлення волі

"Усе, да чаго я заклікаў, — каб на нашыя патрабаванні звярнулі ўвагу. Грамадзяне супраць гвалту. Народ усё адно даможацца праўды і справядлівасці шляхам мірнага дыялогу", — сказаў Андрэй Любецкі.

«Як прыстойны чалавек, я не магу маўчаць»

Як прайшоў першы дзень суда над хірургам Андрэем Любецкім: "Падзеі, якія былі да выбараў, самі выбары і перыяд пасля выбараў былі, мякка кажучы, не зусім правільныя. Я сацыяльна актыўны чалавек, і тыя лічбы, якія былі агучаныя, мне здаліся не зусім дакладнымі. Падзеі, якія былі пасля, усё, што я рабіў пасля Акрэсціна... Я ведаю асабіста многіх калегаў, якія займаліся гэтымі людзьмі. Я ведаў мала следчых на той перыяд. Пазнаёміўся вельмі шчыльна цяпер, іх вельмі шмат у СІЗА, якія бачылі і ведаюць, што рабілі з людзьмі".

Сківічны хірург Андрэй Любецкі валанцёрыў пад Акрэсціна, а яго жонка Наталля трапіла ў «шпіёнскі» фільм АНТ — вялікая гутарка

Муж і жонка Андрэй і Наталля Любецкія абое дактары. Ён выбітны сківічны хірург, яна стаматолаг. Абое засталіся без працы. Наталлю папрасілі сысці пасля сюжэту на АНТ, дзе расказвалі пра яе дапамогу Ігару Макару.