Аляксей Дзмітрыевіч Шышкавец — жыхар Асіповічаў, затрыманы 2 сакавіка 2022 года. 

Паводле інфармацыі МУС, на пачатку 2022 года мужчына "ўвайшоў у склад экстрэмісцкага фармавання ByPol, аўтарызаваўшыся ў мабілізацыйным чат-боце дзеля здзяйснення супрацьпраўных дзеянняў у Беларусі". 1 сакавіка ён нібыта атрымаў указанні па блакіроўцы чыгуначных шляхоў, а таксама па вырабе і выкарыстанні "кактэйляў Молатава".

У адносінах да фігуранта была распачата крымінальная справа за ўдзел у экстрэмісцкім фарміраванні з мэтай учынення злачынстваў экстрэмісцкай накіраванасці (арт. 361-1 КК). Пасля абвінавачванне змянілі на ч. 2 арт. 289 (Акт тэрарызму); ч. 1 арт. 361-3 (Удзел на тэрыторыі замежнай дзяржавы ва ўзброеным фармаванні ці ўзброеным канфлікце, ваенных дзеяннях або падрыхтоўка асобаў да такога ўдзелу).

У верасні 2022 г. КДБ уключыў палітвязня ў спіс асобаў, "датычных да тэрарыстычнай дзейнасці".

Працэс над Аляксеем распачаўся 22 верасня 2022 года ў Магілёўскім абласным судзе. 12 кастрычніка суддзя Сяргей Мазураў прысудзіў мужчыну 11 гадоў пазбаўлення волі ва ўмовах узмоцненага рэжыму.

6 студзеня 2023 г. у Вырхоўным судзе адбыўся разгляд апеляцыйнай скаргі: прысуд Аляксею пакінулі без зменаў.

На пачатку лютага Аляксея этапавалі з Турмы № 4 у папраўчую калонію № 3 у Віцьбе.

"Рэйкаваму партызану" з Асіповічаў прысудзілі 11 гадоў калоніі

Судовы працэс у дачыненні да Аляксея доўжыўся амаль тры тыдні.

З пачатку вайны затрымалі мінімум 8 "рэйкавых партызанаў": што вядома пра "рэйкавую вайну" ў Беларусі

Пасля пачатку вайны затрымалі мінімум восем беларусаў за падазрэнне ў зрыве графіку руху расейскіх цягнікоў са зброяй і датычных да фізічнага пашкоджання інфраструктуры чыгункі ў Беларусі. "Live. Сообщество железнодорожников Беларуси" 6 сакавіка пісала, што з-за дыверсій ("рэйкавай вайны") і кібер-нападаў на інфраструктуру Беларускай чыгункі, па Беларусі перасталі пераганяць арганізаваныя воінскія эшалоны з тэхнікай і боепрыпасамі расійскіх войскаў. Затрыманым інкрымінуюць падрыхтоўку да акту тэрарызму, ім пагражае да 15 гадоў пазбаўлення волі. "Вясна" распавядае ўсё, што вядома па гэтых справах.